梁嘉琪重申與王祖藍只是同學關係 保持聯絡但不談公事

更新時間 (HKT): 2021.05.05 18:37

梁嘉琪與嚴崇天今天於鰂魚涌為香港開電視《關於早餐的一些事》拍攝,他們扮成皇帝與王后嘆宮廷早餐。有線電視出身的嘉琪被問到重返娘家的感受,她說:「覺得好warm,佢哋畀飽飯我食,開工成個月,每一日都好似all day breakfast咁。呢個娘家好好,好多謝佢哋,離開舊公司後,佢哋係第一個聯絡我嘅單位。」

嘉琪去年離開效力13年的無綫,被問到期間是否靠網店生意過活?嘉琪說:「喺呢段時間都keep住有廣告,真心多謝廣告客戶,呢一年有新合作,亦有舊客戶續約,仲送product畀我送畀客人,佢哋係support我工作上嘅任何決定。」

避談重返無綫

有指無綫創意官兼嘉琪同學王祖藍有指找她回巢,嘉琪顯得迴避,她說:「好搞笑,多謝大家熱烈討論,可能大家都想快啲睇到我嘅新節目。其實本人工作上嘅選擇都係嗰一刻自己決定,冇話邊個人叫,連經理人都管唔到,我好反叛㗎!」問祖藍有無直接聯絡過她?嘉琪說:「我哋係同學,大家都仲有聯絡嘅,不過都唔會講公事,好多人都有小朋友,都係講吓湊女經。」

再問到有否留意無綫綜藝節目被批評?她說:「最近忙拍攝新節目,暫時未坐定定睇,不便評論。我只知好多演藝學院師弟妹真有份參與,佢哋一向都好努力,希望會有更多機會被睇到。」

嚴崇天呻床戲唔夠喉

另一方面,嘉琪與嚴崇天雖然首次合作,卻拍出默契。嚴崇天又大讚嘉琪體貼,自己經常大頭蝦,多得嘉琪提點,他說:「我哋未合作過,冇代溝,亦都冇鴻溝,佢真係極nice,有地位、又有知名度,但就冇擺款。」他還自爆跟嘉琪在節目中走到五星級酒店拍床戲,可惜點到即止,他們笑言希望添食拍續集,嘉琪更期望可參與劇集拍攝。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner