《自肥企画》「Big壁精奴」遊戲明寸TVB 
ERROR二創《新世紀福音戰士》勁好評

更新時間 (HKT): 2021.05.05 02:00

人氣組合ERROR前晚推出新遊戲節目《ERROR自肥企画》,首集甫開始,四子即cosplay日本經典動畫《新世紀福音戰士》幾位主角出場,重演動畫的首集劇情,甚至二創片頭曲改為節目主題曲,除了鏡頭、畫面勁似外,惡搞歌詞抵死搞笑;他們首個遊戲「Big壁精奴」更是以諧音明寸無綫的「big big channel」,加上「肥仔」梁業講香港現況的貼地對白,獲網民洗版留言狂讚。

組合ERROR主持的ViuTV新節目《ERROR自肥企画》前晚首播,近日四子人氣急升,不少觀眾都非常期待新節目。節目甫開始先由四子和「Double S」沈殷怡及陳欣妍重演經典卡通《新世紀福音戰士》首集劇情,何啟華(阿Dee)扮「碇真嗣」、梁業(肥仔)扮「碇司令」、郭嘉駿(193)扮「綾波麗」及吳保錡扮「EVA初號機」。

Mike導主唱夠啜核

「碇司令」肥仔在節目中指,香港面對「經濟、疫情、精神健康,全部冧檔」、「唔移民嘅話,香港呢個爛攤子,點都係你㗎,面前嘅困境,有冇能力打敗佢」等危機,因而要啟動ERROR作戰狀態,早前「反省中」的保錡以機械人造型出場時自嘲:「終極即係冷卻狀態,即係被雪藏。」網民大讚重演劇情時,連鏡頭方向都跟足原著動畫,是誠意十足,加上影射香港現況的對白,令人看得很有感覺。

接着再播出改編自《新》片頭曲《殘酷天使的行動綱領》、由旁白麥可暉填詞及格仔導演劉諾衡(Mike)主唱的主題曲,歌詞「係咁OT我畀埋條命你好冇」、「妥協後到最後諗真我係要玩彈XX打爆隻蛋」、「面對收視的壓力是但啦頂你個肺」等幾乎全部錯key兼三級,不過依然被大讚「貼地、啜核」,道出不少港人及電視人的心聲。其後四子以全白精蟲look大玩「Big壁精奴」遊戲,發音刻意跟無綫的「big big channel」相近,擺明寸無綫。遊戲中四子要一齊撞牆,當中會有三人跌入油漆中,順利過關的一人贏得1,000元獎金,最後由阿Dee勝出。

張敬軒:年度最愛

節目播出後,網民即迅速瘋狂式洗版留言大讚:「全港最強團隊,ViuTV要加人工!」、「叫對面台所謂嘅創意總監收X啦」,不少網民更特別力讚搞鬼主題曲,連張敬軒也在保錡於Ig貼出的幕後花絮帖文中留言「我聽咗首歌10次!」更形容是年度最愛。對於新節目首集大獲好評,193昨日回覆《蘋果》時表示:「真係要多謝網民咁留意我哋,拍嗰陣已經好好笑,之後我自己偷睇咗頭三集,估唔到剪完出嚟仲好笑。其實我哋係現今藝能界最多cosplay嘅藝人,希望遲啲可以去到啲動漫展。」

今次《ERROR自肥企画》繼續由跟四子合作無間的格仔導演Mike、編導「Agent L」曹梓沖及「無制限OT編集團」幕後團隊炮製,對於網民熱捧,Mike前晚也在Ig限時動態留言感謝大家支持,並透露正全力進行其他集數的後期工作:「現在猛烈地追趕剪接進度中,絕對一定冇辦法覆得晒大家,你哋嘅支持同鼓勵係收到嘅,多謝你哋呀,每一位觀眾!」不過,日前Mike卻爆粗炮轟ViuTV的公關,指他們上周向傳媒發出新聞稿,劇透首集炸吉祥物「生啤」等情節,力斥公關的逆向宣傳破壞他們幕後一番心血及浪費事前的保密功夫。

娛聞樂陪你走遍全球追星,即Like「娛果」FB 專頁!
BannerBanner