麥德羅聽Apple姐講姜濤 即「拉關係」:大家都19歲出道

更新時間 (HKT): 2021.05.05 20:08

麥德羅和女朋友劉麗萍(Apple姐)在尖沙嘴經營唱歌學校,今日一齊開live預祝母親節。Apple姐育有兩女一子,兒子在日本留學後在當地發展音樂,預計本月22日飛返香港接受隔離後團聚。

麥德羅在疫下分別接拍紅酒、洗頭水及保健產品廣告,收入仍然可以支撐。早前疫情緩和,他埋頭於工作室教學生唱歌,順便自己練歌,為日後演出做好準備,可惜很多娛樂場所都要接種疫苗後才可光顧,他笑說:「冇理由為咗睇麥德羅做騷去打支針,而家有好多人都驚打疫苗,未必放心。」反而Apple姐則預約了明天接種科興疫苗,為迎接大陸工作做好準備。

丁悅暫時不考慮接種疫苗,並笑說:「政府話搵姜濤做代言人,到時就考慮吓打啦。」Apple姐聽到姜濤名字即說:「我公司有啲30幾歲或再大啲嘅女仔都好鍾意佢。」麥德羅立刻抽水:「姜濤OK呀,好有我嘅影子,又鍾意唱歌跳舞,大家都係19歲出道。」曾參加《全民造星III》的丁悅大呻比賽後冇工作冇收入好慘,眼見其他隊友都開始發力,她說:「大家真係好好朋友,戥佢哋開心,冇羨慕、妒忌同恨。佢哋而家都好忙,連約食飯都未必得,睇吓有冇時間請食米線啦。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner