港台節目YouTube下架丨播音皇帝李我冇得留底 《鏗鏘說》蘇玉華:你今日download 咗未?

更新時間 (HKT): 2021.05.05 18:21

廣播處長李百全日前下令將YouTube上載逾一年的節目下架,包括多集涉警暴及反修例的《7.21 誰主真相》、《7.21 元朗黑夜》、《頭條新聞》、《議事論事》等,有港台員工質疑新安排是為「洗太平地」。

而《鏗鏘集》團隊負責製作的《鏗鏘說》,擔任主持的蘇玉華疑被指「太黃」,遭港台高層DQ,惟其主持的兩集節目,包括訪問名導杜琪峯和拳王曹星如都大受歡迎,節目於今年3月在YouTube上架,被刪除的日子在倒數中!蘇玉華今日在社交網留言:「朋友話我知:我嗰兩個訪問分別有99萬同107萬人次觀看,真係受寵若驚,老懷安慰。重點係,你今日download咗未?」網民紛紛留言力撐:「香港有幸仲有啲有心藝人」、「多謝你為市民發聲,大家一齊行」、「DL咗,亦通知了海外朋友幫忙DL做保留。」、「要download做紀錄,畀下一代睇。今日香港、唉!」

除了社會議題節目不能留低,有網民發現3年前港台《文化樹下--我們的廣播人》訪問李我和蕭湘夫婦,這集節目在YouTube上亦被消失了!縱橫播音界數十年的李我叔貢獻良多,今日李我叔離世,但網民卻不能在YouTube重溫一代宗師的事蹟,狠批:「播音皇帝李我走咗,本來三年前呢一集文化樹下《我們的廣播人》係即時令全世界可以重溫佢同蕭湘的一生事蹟,點知就係鏟咗,不尊重歷史,又對文化演藝無知的人,某些力量會即摑你一巴的!」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner