旨呈同Sarika挑戰揸巴士考牌「肥佬」誓要補考攞到牌

更新時間 (HKT): 2021.05.06 14:59

上月底播完的ViuTV節目《學神出沒注意》,當中鄺旨呈和蔡宛珊(Sarika)挑戰學揸巴士,雖然節目已拍完兼播完,不過兩人仍繼續學揸巴士。昨日兩人去到沙田駕駛學院應考,考試前兩人都十分緊張,可是旨呈臨場表現有點失準,而Sarika則遇突發情況,最後兩人齊齊「肥佬」,未能一take過pass。

昨早旨呈為戚其義新劇開工,他自責事前沒有向劇組請假,在拍劇的休息時間走來考試,結果未如理想。他指應該在考試前再補鐘練習,他說︰「剛才我路試係無問題,考官話我只係留意返啲彎同望鏡,整體都ok,但係剛才都『肥咗佬』。本身我上午要熱身操吓車,但今早仲拍緊戲,中途走出嚟考試,自己準備唔夠。」問他未能pass原因?他說︰「應該係衰咗三手軚掉頭,從來冇衰過嘅位就衰咗,我從來冇試過轉唔到,真係好緊張,上咗壆一刻,我就知道玩完。」

旨呈考完之後就輪到Sarika,大約半小時後,她考完試一落車便一臉失望,「我衰咗啦!我好緊張,泊位、開車都冇問題,我都完成到,只係出去路面有突發情況,就係返嚟段路,有架巴士塞住路口,佢係要轉右,我係直去,點知佢停喺路中間已經轉燈,我唔知點好,不知所措又手忙腳亂,停咗喺路中間。自己本身係揸開自動波私家車,跳去揸棍波巴士,我覺得今日整體都過到自己嗰關。」

事後,旨呈和Sarika拿住成績單聆聽教車師傅的檢討,雖然兩人未能一次過成功pass,不過他們已獲駕駛學院安排快期重考,而兩人早前約埋一齊學電單車,亦將於10月考試,兩人笑指想儲齊車牌的「冧巴」。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner