麥貝夷避談背男友約翟威廉過夜 認與裕美好姊妹關係決裂

更新時間 (HKT): 2021.05.06 17:06

麥貝夷大爆前度性史,頭直指翟威廉,雖然男方否認兩人曾拍過拖,但事件越演越烈,其後麥貝夷再爆舊愛曾搭上好姊妹裕美,被拖落水的裕美反指麥貝夷過去有男朋友時,仍跟翟威廉過夜,兩人關係決裂並展開隔空互爆。

麥貝夷今日到紅磡出席品酒活動,她指去年是入行10周年,主動將話題扯到「前度」,指自己首隻歌曲《前度》未曾派台及拍攝MV,很想將這首歌曲工作做好。對於好姊妹裕美向她發炮,指她曾與男友拍拖期間,仍相約翟威廉過夜,而該男友Edmond Luk更是由裕美介紹所認識,麥貝夷表示有留意裕美的言論,她說:「我哋係好多年嘅朋友,朋友之間係互相幫助冇計較,互相付出多少都係攞個心出嚟,佢曾經歷幾段感情,我都有幫佢出IG po,有幫佢回應網民留言。」

對於裕美如所言是幫忙還是靠害?麥貝夷說:「佢自己先知道,我唔知佢用意。Edmond係裕美介紹我識,佢係好男仔,我哋亦有拍拖,拍拖之後我同裕美都好忙,裕美有包包生意,亦要兼顧拍拖,我哋生活向兩邊走,相處時間唔係咁多,我同Edmond分手之後,大家亦好少聯絡。」

對於被指與Edmond拍拖期間,仍相約翟威廉過夜,她說:「感情入面係兩個當事人最清楚。」被追問是否有發生過?她只說:「我回應去到呢度,我控制唔到人講乜嘢,我講到呢度。」

麥貝夷表示會專注工作,短時間不會再拍拖,至於與裕美有沒有朋友做,她則說:「我哋好少聯絡,緣分相聚到就相聚,相聚唔到就停一停。」會否主動找對方,她說:「我唔會control人,我平時都好少呢類新聞。」她表示不擔心事件影響形象及工作,被問到會否帶眼識人,麥貝夷說:「我都要check吓個眼鏡度數先。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner