爆相爆片丨凸腩陳百祥穿10號球衣出賽 全場hea踢等隊友交波

更新時間 (HKT): 2021.05.06 00:30

陳百祥(阿叻)和老婆黃杏秀(秀姑)向來鍾意熱鬧,近排多次被目睹約埋三五成群開餐狂歡疑違限聚令,卻未見執法部門有所行動。70歲「荷蘭叻」陳百祥成日牙擦擦認叻,早排「深入敵陣」撐黃店澳牛,日前穿黃色10號球衣戰身上陣,落場踢波把口叻過對腳。有讀者Jason透過「爆相爆片」拍到阿叻日前在石硤尾公園人造草地球場踢波情況。

讀者Jason表示當晚7時多到球場,就發現阿叻穿上黃色10號球衣落場,Jason說:「大約7點半,我見阿叻落場,佢最初同波友喺中圈傾偈,佢係負責進攻中場,當開波後,多數係見佢企喺草地中間挺住肚腩叉腰,唔覺佢有追個波去踢,有時係隊友搶到個波,見阿叻周圍冇人就交畀佢踢吓,佢就扮瀟灑,阿叻全程最多只係行行企企,行動又慢。」

10號球衣向來是留給一隊球隊的靈魂人物穿上,以他去帶領隊友發揮出最佳狀態,偏偏這晚由hea爆的阿叻穿着,Jason續道:「10號球衣向來多數留畀一隊球隊嘅王牌去着,佢全場都冇乜嘢郁動,着件10號球衣完全冇咩大作為。」由讀者提供短片看到阿叻表現hea爆,當隊友上前搶攻,他則一直墮後。

阿叻曾於2015年時與李克勤、謝天華等參加「胡國雄紀念賽」,當日阿叻場上表現,遭現場球迷噓「屎波」,他卻一於少理,他解釋當日是一場25分鐘紀念賽,更自圓其說:「我好唔好波就公道自在人心!」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner