黃樹棠出殯骨灰撒紀念公園 遺三齣電影未完成

更新時間 (HKT): 2021.05.06 13:05

藝人黃樹棠(求叔)上月10日因肺癌病逝,終年74歲,今日在世界殯儀館出殯,求叔遺體移至鑽石山火葬場火化,兒子黃榮璋表示遵從求叔遺願,將其骨灰撒在紀念公園。

求叔兒子黃榮璋及胞妹黃文慧今早在場打點,鄭則士、林燕明、張文慈、陳展鵬及單文柔等均有送上花圈,黃夏蕙則前來送別好友。 黃榮璋表示自己心情久未能平復,因為與爸爸同住,二人感情似兩兄弟,他說:「由細到大都放縱我,我做乜都支持,只要我唔吸毒就已經好好,生活到就可以,見佢臨終冇太辛苦都戥佢開心。」

尹天照日前表示與王樹棠原定拍網上電影合作,黃榮璋說:「爸爸喺1月知道自己有肺癌,佢都有問點解有嘢做就病,佢惡化得好快,本身有兩套戲要拍,另外接咗一部喺越南,因為疫情所以停咗,我有安慰佢同佢講唔緊要,醫好個病好番先再開,佢就乖乖聽我講去醫病。」

黃榮璋遵從爸爸生前意願,為他安排綠色殮葬:「佢唔想我哋掛住拜山,佢話而家邊有人去拜山,去年叫我記住(骨灰)一定要灑喺紀念公園,我一定要做到呢樣嘢。」對於爸爸思想新潮,榮璋指爸爸爸與時並進:「 我好佩服佢日日同我打PS4,部機都係佢買,我都係搭單玩,佢日日機不離手。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner