阮民安fans學姜糖送生日燈箱廣告祝賀 網民tag「我們都是小強」

更新時間 (HKT): 2021.05.07 16:46

人氣王姜濤上周五過22歲生日,姜糖豪花逾50萬為偶像生日在港九買廣告牌造勢,有巴士、電車、車站燈箱,甚至乎大廈外牆大螢幕,其中姜糖在姜B住的銅鑼灣落最多廣告,令銅鑼灣瞬間變成「姜濤灣」,fans愛偶像無可厚,之不過估唔到在巴士站落廣告燈箱,變成「生日祝福」潮流。

下周四是阮民安(Tommy)的41歲生日,近日竟然有人破費在尖沙嘴清真寺前的巴士站,為Tommy落燈箱廣告祝他5月13號生日快樂。《蘋果》今日聯絡Tommy,他短訊回覆說:「噚晚有人tag咗我呀!我今朝喺IG同FB見到相,真係非常非常之驚喜。以為而家只係得姜B先至會有,Anyway真係唔知佢或佢哋係邊個,但都衷心感謝,好開心。」問到Tommy可有去生日燈箱廣告前打卡?他續說:「我仲未呀,不過都會抽時間去影相嘅。」至於生日當日會怎樣慶祝?Tommy說:「今年都未必會特別慶祝啦,可能都係食餐飯,平平安安咁過就係可以。無乜mood,仲要我有好多朋友都還柙中。」

浪費廣告錢

Tommy談到生日願望:「希望牆內牆外手足可以平安就夠,香港人,加油!」有網民揶揄「真心覺得浪費廣告錢,不如幫有需要嘅手足」,Tommy回應:「咁都真係會有少少覺得(嘥錢)嘅,但係我都開心,多謝佢哋嘅心意。」大部份網民都送上生日祝福,有人更tag「我們都是小強」、「我們打不死」。

此外,泰國BL劇《以你的心詮釋我的愛》的主角「PP」Krit Amnuaydechkorn(林禕凱)跟姜濤同年同月出生,他生日也獲fans在大螢幕、交通工具等落廣告祝賀偶像生日。但馬蹄露姪仔、「英文人生教練」馬米高的生日卻搞笑貼出合成巴士及大廈大型廣告圖片,可謂同人唔同命。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner