前天堂鳥成員Tyrese做生意搵老婆本 食壯陽補品唔介意未婚生B

更新時間 (HKT): 2021.05.07 18:29
Tyrese女友開店。

前天堂鳥成員Tyrese(歐喬鋒)與網紅未婚妻Pumpkin Jenn,今天於銅鑼灣出席自家護膚品牌分店開幕,Jenn好友馬天佑出席支持。Jenn透露分店投資近7位數字,她與拍檔於美國自設廠房,繼中環店後這是第2間分店,Tyrese笑說:「我冇份投資嘅,但會幫忙拍片同宣傳,品牌係純天然,產品全天然,我好欣賞天然美,就好似未婚妻咁。」

Tyrese表示天堂鳥已正式拆夥,他要回歸現實,主力打理園藝生意搵老婆本,他說:「我對做生意都係摸索中,不過本身從事園藝生意都運作得唔錯。」問到組合拆夥是否與金錢糾紛有關?他笑說:「冇金錢何來糾紛,大家有共識解散,多謝公司同兩位兄弟成員理解我嘅想法。踏入30歲,都想有啲轉變,想對自己同未婚妻、屋企有承諾,做實在嘅事。」

至於籌備婚禮,Jenn坦言未定日期,希望可待疫情完結才舉行,她說:「我想搞一個好大的派對,請親朋戚友2、30人嚟飲酒、跳舞,但而家做唔到。問到可會心急生小孩?她坦言:「好想呀!希望可以生一仔一女。」Tyrese也笑言不介意未婚生B,現時不設防,但一切隨緣,Jenn笑言不時會叫Tyrese吃壯陽補品,蝦、生蠔與韭菜等,十分搞笑。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner