嘟姐開咪對MIRROR演唱會有讚冇彈 騷肌環節畀足100分

更新時間 (HKT): 2021.05.08 21:25
嘟姐對MIRROR演唱會有讚冇彈,當中的騷肌環節更畀足100分。(資料圖片)

一連六場的MIRROR成軍3年演唱會《MIRROR ONE & ALL LIVE 2021》在剛過去的星期四(6日)於九展開騷,除了吸引一眾圈中人捧場外,就連「嘟姐」鄭裕玲亦有前往欣賞。睇完騷後,嘟姐更用足整集《口水多過浪花》來大讚MIRROR演唱會。

嘟姐在昨日的電台節目中,一開咪就已經大讚MIRROR演唱會好睇到覺得睇騷是一件「賞心樂事」,之後她又回想眾人這兩年間的轉變,她指第一次見他們時,當時《全民造星》還未完結,她覺得眾人信心不足之餘,由於不知道日後的路是怎樣,所以覺得他們當時的心情很忐忑,但現在每個人都充滿自信。嘟姐說:「令我嚇一驚係我以前睇男團,百分之99女士捧場,剩下嘅男士係被迫,但噚日係有男有女、有老有少。坐我前面係一對夫婦好落力偷影相,同埋啲fans又好好,唔係側埋鍾意邊個(成員),係個個都平均咁鍾意,啲燈牌係換嚟換去,邊個出(場)就換,全部都係咁平均地愛。」

嘟姐又讚演唱會中的升降台、LED螢幕、燈光處理得非常好,更表示演唱會內容包羅萬有:「有單人、有小組、有12個一齊,各有各嘅擔當,肌肉擔當嘅梗係騷肌啦……」而此時麻利即問是否覺得「正」時,嘟姐想也不想便說:「100分!又有玩樂器,姜B(姜濤)玩古箏,跳舞擔當跳得非常之好。」雖然嘟姐對MIRROR今次開騷有讚無彈,但她仍然覺得當中有遺憾位,皆因不明白「點解唔去一個大啲嘅場開?」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner