ERROR自肥越玩越癲 保錡大懲罰蜜蠟脫陰毛爆粗鬧公司

更新時間 (HKT): 2021.05.08 00:01

ERROR最近的新節目《ERROR自肥企画》,自本周一(3日)播出以來後,可謂集集有驚喜,繼玩炸生啤公仔、「死亡行星」「爆丸」懲罰之後,今晚一集有終極大懲罰,受害者是保錡!他要接受用舊式蜜蠟脫毛法,先脫腋毛,繼而脫陰毛,在扯起蜜蠟一刻,保錡痛到爆粗叫救命,而旨呈笑謂︰「呢種痛唔係人人可以承受到。」

保錡接受大懲罰,要去《造星III》參賽者旨呈旗下的美容院脫毛,「行刑者」正正就是旨呈。保錡最初在美容床上脫腋下毛時還很輕鬆,得戚說︰「哎吔,好彩唔痛啫!」不過節目作風大膽,懲罰升級,最終保錡更要脫陰毛!就範的保錡換上女裝T-back、用毛巾遮住重要部位,再由旨呈親手幫他塗上蜜蠟,再徒手快速扯起蜜蠟,達到脫毛效果。這一扯令保錡痛入心扉,狂爆粗說︰「好X痛呀!仆街,黐X線㗎公司!」

事後《蘋果》問過旨呈,親自操刀幫保錡脫恥毛有何感受?他笑謂︰「我從來都冇serve過男人,仲要做啲咁嘅嘢,睇佢白白淨,竟然咁多毛,我脫咗幾耐。」他指製作組堅持用最原始脫毛方法——蜜蠟脫毛,在懲罰之前,有先將陰毛剪短,節目見他徒手,但最初旨呈原來有戴手套,不過因為太黐手而脫掉。

旨呈指保錡穿上女裝T-back後,為免移位他要用手幫他撥開免跌出來,而保錡的三位隊友專誠觀戰,旨呈說︰「佢哋問我保錡大唔大,我答佢哋都幾大㗎,哈哈!」旨呈說徒用相當尷尬:「因為脫佢下體啲毛要先剪短,如果戴住手套係剪得唔靈活,所以要除咗手套。佢幾乎脫晒啲毛,脫完之後成床都係毛。」事後旨呈要消毒雙手,又洗手洗手洗手:「佢真係好多毛,之後啲姐姐入嚟打掃,要噴殺毒嘢清理現場。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner