MIRROR演唱會丨謝安琪張繼聰拍拖睇騷 小儀入場獲「老公」Edan派心

更新時間 (HKT): 2021.05.08 11:51

MIRROR一連六場「MIRROR ONE & ALL LIVE 2021」演唱會前晚開鑼,昨晚舉行第二場演唱會,場面依然墟冚。未開場前,場外排隊入場的fans已經擠得水洩不通,紛紛在巨型應援物前打卡影相。昨晚睇騷的嘉賓,除了前晚擺烏龍搞錯日子的吳肇軒現身外,還有謝安琪和張繼聰兩公婆睇騷。二人事後分別在IG貼出和MIRROR的合照及短片,Kay在IG中留言:「有個人,諗住帶我去睇MIRROR演唱會,我就會好鍾意佢……Well……」並tag了張繼聰的IG,十分搞笑。而坐在頭行睇騷的她,邊聽歌邊搖動身體,十分陶醉。完騷後,他們還到後台和MIRROR合照。

至於張繼聰事後亦有在IG留言大讚12子的演出十分精彩。其中MIRROR成員Stanley(邱士縉)留言:「真係有一種莫名的感動,喺同一個地方,表演返畀你睇。多謝你,你啟發咗我很多!」而張繼聰亦有回應說:「好享受你嘅演出,會繼續為你歡呼!」謝安琪早前曾傳出會強勢加盟ViuTV,如今高調撐MIRROR場,似乎過檔之說又增添幾分可信性。

另一方面,曾和Edan(呂爵安)一齊主持《考有feel》的小儀,昨晚亦有睇騷,而自稱是Edan正印的她,睇騷時更拿着Edan的應援燈牌,原來是Edan的fans預留給她。有fans更在小儀的IG留言說:「我哋後宮全力支持正印!」相當大方。而Edan亦十分識做,除了在後台攬實小儀影相外,站在吊架表演時,亦不停向小儀送心心,冧得正印心花怒放。

雖然出名嚴格的經理人花姐給MIRROR頭場60分,不過一班fans對偶像兩晚的演出頗受落,紛紛在fans group留言指他們有超水準表現。可是亦有入場fans提出建議,指大會原先講明不准觀眾帶攝影器材入場,可是仍有不少人帶備攝錄機偷偷拍照和錄影,現場未見有工作人員阻止,因此希望大會仔細檢查入場觀眾的隨身物品。同時,由於現場沒有儲物櫃,因此希望主辦商能夠預先讓fans訂購紀念品,以免在現場商店購買後,要拿入場有點不便。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner