MIRROR演唱會丨七仙羽想送能量金字塔幫姜濤補血 驚隊友怨偏心:最後邊個都唔畀

更新時間 (HKT): 2021.05.09 23:07

MIRROR演唱會今晚第4場撞正母親節,除了「教主」Anson Lo邀請到「教父教母」入場,現場還見到非常愛錫MIRROR及ERROR的風水師七仙羽。七師傅的受歡迎程度相當高,受訪期間有大批MIRROR fans大嗌她的口頭禪「師傅愛你」,之後再輪流合照。

七師傅受訪時稱,因為合作過,所以每一位MIRROR成員都喜歡,有記者講起她平時最愛的保錡,七師傅突然清醒:「保錡係ERROR。」

姜濤在演唱會前開Live自爆曾在綵排時暈倒,七師傅自爆原本想送一座需時半年時間製作的能量金字塔給姜濤,不過最後打消念頭,她解釋:「但係呢,我諗過,入面仲有另外11個,佢哋會覺得『嘩!七師傅你咁偏心。』我禮物已經揸咗喺手,但我諗諗吓,算啦,費事其他人唔開心。」最後她決定為姜濤誦經:「唸到佢身體健康。」記者提議可以送足12份,她卻說:「我唔夠呀!我個能量產品好易燒……暢銷……搶手呀!我唔夠呀!」最後因為覺得唔好意思,決定所有人都沒有禮物。

七師傅最近拍廣告,知道到拍攝辛苦,她說明白MIRROR訓練更加辛苦,但她卻突然用ERROR的肥仔做例子:「我見到ERROR個肥仔,我喺電視台見到佢,經常都係瞓覺,有次我收工見到佢啱啱返工,揸住塊麵包、一罐汽水,佢日日都係食呢啲,都冇時間食嘢。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner