【娛樂圖輯】水中作樂

更新時間 (HKT): 2021.05.09 02:00
互聯網圖片

梁靖琪再婚之後就做全職媽咪,專心照顧現時一歲幾嘅囝囝Roman。趁住母親節,梁靖琪換上泳衣同Roman去泳池玩水,媽咪見到囝囝玩得咁開心,梗係笑得燦爛啦!

陪玩陪食

蔡思貝一直忙拍劇,但佢一有時間就陪爸爸媽媽!趁住母親節,佢就同父母去食好嘢,仲感觸留言:「有多久沒細緻地看看他們的臉孔了?只想盡我能力和他們多多吃喝玩樂。」

逆齡媽咪

袁偉豪一向都好孝順,前晚分享咗同媽咪撐枱腳嘅相,原來係慶祝袁媽媽生日,佢仲貼咗一張細個同媽媽嘅合照,大家都大讚袁媽媽keep得好好又靚女,完全係一位逆齡媽咪。

淨化心靈

梁詠琪一家三口,同媽媽、孖生細佬、弟婦去咗大嶼山心經簡林,享受家庭樂,梁媽媽笑得好開心。而囡囡Sofia已經六歲,但佢身形高䠷,高度已經去到媽媽心口位置。

娛聞樂陪你走遍全球追星,即Like「娛果」FB 專頁!
BannerBanner