李璨琛夫婦為女兒揀本地幼稚園 
3歲Lucy愛姜濤:超級靚

更新時間 (HKT): 2021.05.10 02:00
■李璨琛太太Sophia昨日貼出和Lucy的合照,笑言會繼續欺負囡囡直到地老天荒。互聯網圖片

李元元(Lucy)是李璨琛和太太Sophia的寶貝女,星二代Lucy只有3歲,但Ig已有26萬followers,鬼馬趣怪表情多多令她細細個已成為網紅及香港人開心果,想不到她也趕上潮流成為「姜糖」,當見到人氣男神姜濤片段時竟然高呼:「靚仔呀!!超級靚!」Sophia更透露女兒即將升讀幼稚園,已為她揀選了傳統本地學校。

笑爸爸口臭

Sophia經常將Lucy的生活片段放到平台分享,令Lucy走向KOL之路。昨日Sophia趁母親節貼文:「媽媽會繼續欺負你直到地老天荒,記得除了母親節,其實天天都要快樂。」兩母女日前更接受《壹週刊》訪問,提到充滿表演欲的Lucy早前憑韓國女團BLACK PINK歌曲《BOOMBAYAH》一舞成名,獲對方的經理人轉發「認證」,加上Lucy見到姜濤片段時大叫「超級靚」,女兒每一個表情在媽媽眼中都好惹笑,不時要忍笑拍片,Sophia說:「佢本身個樣好卡通,有時都真係忍唔到,你會聽到我喺背後笑咗出聲。」早前Lucy被拍下笑媽媽口臭的表情,訪問當日重提舊事,改問她爸爸個口臭唔臭?她說:「都臭,Lulu個口唔臭。」

懂事遞紙巾

今年是Sophia首個喪母後的母親節,提起媽媽去年10月病逝,她即爆喊,Lucy見到即懂事地遞上紙巾,自己又一邊拭淚,還搞笑說:「我冇喊呀,我抹啲eyelash咋。」這段日子幸好有寶貝女成為最大支持,Sophia說:「爸爸媽媽喺呢段時間相繼離開,真係好彩有Lulu。有時候唔開心,見到佢就真係會即刻無事。」她哭着憶述:「我覺得最辛苦係知道佢要走,最後陪住佢嘅日子,例如同佢一齊食飯,即係知道坐喺身邊呢個人,可能兩個月後就會離開,但要扮到冇事發生一樣,繼續同佢食飯,煮飯畀佢食,你會覺得嗰種感覺其實好差,但又要喺佢面前笑笑口扮無事,仲要鼓勵佢繼續治療,唔好放棄。」

Lucy即將入讀幼稚園,Sophia說:「揀本地學校,因為國際學校學費好貴,同埋我覺得本地學校應該冇問題。」她只望女兒在開心環境下成長,而Lucy就十分期待校園生活,未上學已讚老師好人,覺得上學好好玩。

娛聞樂陪你走遍全球追星,即Like「娛果」FB 專頁!
BannerBanner