【冧爆媽咪】兩個靚媽

更新時間 (HKT): 2021.05.10 02:00
【兩個靚媽】

胡杏兒上月誕下細仔,仲未收身嘅佢前日母親節前夕同老公李乘德、奶奶,仲有大仔同二仔,約埋好姊妹陳敏之,一行十幾人去主題樂園慶祝,杏兒仲特別多謝奶奶幫助。

走出傷痛

陳柏宇太太符曉薇早前陀第二胎,但產檢時發現胎兒患愛德華氏綜合症,要人工流產。噚日佢貼出多張同囡囡Abigail嘅合照,留言話「I love u 10000000000000」,好彩仲有大女撫慰心靈。

多謝奶奶

鍾嘉欣同圈外丈夫Jeremy育有一女一子,前日佢公開一家幾口拍嘅新MV送畀媽咪,噚日仲出post多謝奶奶花時間了解佢,又多謝奶奶培養咗個識照顧小朋友嘅老公畀佢,真係識做好新抱。

篤面珠墩

林志玲噚日罕有晒同媽媽嘅合照,留言:「換我們寵你們,祝所有的母親母親節快樂!」合照中林志玲以手指輕碰媽媽塊臉,非常溫馨。

親密母女

舒淇貼出多張同媽媽嘅合照,兩母女親密到好似朋友,舒淇仲稱呼媽媽做「水查某姑娘仔」,即係台語嘅「後生靚女」。

娛聞樂陪你走遍全球追星,即Like「娛果」FB 專頁!
BannerBanner