方力申為滿足浪漫性格 玩交友程式眾裏尋她幻想一見鍾情

更新時間 (HKT): 2021.05.10 16:35

曾獲選十大傑青的關心妍和方力申,今日出席十大傑青選舉啟動禮。方力申去年鼓勵歐鎧淳參選,提議她找霍啟剛提名,但自己不會做提名人。曾在節目中自爆有玩交友的電話程式,方力申指事後即多了人加自己,他說:「原本得1、2個人,節目後至少11人加咗我,但佢哋主要問我係咪真係本人。」他表示為滿足自己雙魚座追求浪漫的性格而玩,他說:「睇吓可唔可以眾裏尋她,幻想一見鍾情。」不過他指緋聞女友陳瀅沒玩,續說:「唔使玩app可以直接同佢傾。」

沖涼拍片唔charm

近日疑似吳偉豪沖涼片段流出,方力申被問會否拍這類片展示有型?他說:「沖涼冇化妝一啲都唔charm。」近日谷德昭替方力申澄清,當奧運主持時跟葉璇在對稿,並非互寸,他說:「我有問番佢點解而家先講,又冇怪佢嘅,呢件事都算係我演藝事業嘅代表作。」

貼錢營運慈善基金

關心妍表示獲選後,一直多做公益事服務社會,主力以音樂治療患情緒病的小朋友。她一向落手落腳做,義務做唱歌老師,但疫情肆虐一年有多,坦言影響籌務經費,她說:「之前教唱歌營運基金,但疫情後只能做網上教學,而且堂數會減少。因為有好多開支,又要交租,有時都幾吃力,私人有拎錢出嚟營運機構。」幸得丈夫一直默默支持,出心出力幫忙為她解決問題,問到可會向政府申請資助?她怕申請手續煩複,並說:「有諗過申請,但要好多手續,而且唔易申請,搞得嚟不如自己做,頂唔到先申請,呢個遲一步先諗。」她更向多方面籌劃,以不同形式幫助弱勢社群,笑言向朋友「揼心口」減價幫忙,想找龔柯允和黃劍文教唱歌。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner