【娛樂人物】摩洛哥療情傷遇真命天子 
謝茜嘉視老公解憂靈藥

更新時間 (HKT): 2021.05.10 02:00
■謝茜嘉日前接受《蘋果》訪問,大談與摩洛哥老公相識的點滴。攝影:仇志德

商台高層兼旅遊達人謝茜嘉(嘉姐),前年11月到摩洛哥療分手情傷,卻在當地遇上真命天子Annouhi,二人於今年1月閃婚,她日前接受《蘋果》專訪,直指在疫症肆虐下,視老公為解憂靈藥。

謝茜嘉今年初突然閃婚,身邊朋友都被嚇了一跳,原來上天注定,當時正失戀的嘉姐到摩洛哥工作碰到真愛,認識從事建築材料生意的丈夫Annouhi,日前她接受《蘋果》訪問時笑說:「其實我去摩洛哥,本身係約咗我加拿大前男朋友去,我哋好早買咗機票,但中間鬧咗場大交,佢退咗機票冇話我知,然後我好快搵到個客,去拍旅遊節目,當時Annouhi做我哋導遊。」

「俾佢睇到我軟弱」

兩人相愛的過程甚為戲劇性,嘉姐說:「起初佢覺得我好寸、好憎我。有一晚喺沙漠睇星,我一生人都冇見過咁靚嘅星海,無端端好似開水喉勁喊,呢份軟弱俾當時嘅佢睇到,就好想保護我,主動問我做唔做佢女朋友。」文化差異也沒有成為兩人的障礙,嘉姐說:「佢坦率嘅性格係幫到件事,總之我哋核心冇變就得,佢會講,總之對我冇動搖、我哋仲係鍾意大家就得。」

對婚姻完全改觀

一場世紀疫情令嘉姐改變婚姻觀念,她說:「之前會覺得我需要拍拖未必需要結婚,如果要生小朋友先結。而旅行係我嘅藥物,有乜頭暈身㷫我都係要靠旅行,去完旅行就好似冇事,但其實只係食咗粒止痛藥,問題係冇解決到嘅。疫情初期心情好差,當時無論心情點差,只要同我老公傾個視像就會冇晒事,就知道下半世有個咁嘅人喺你身邊已經夠,就會諗唔想呢個人離開,點樣唔離開我呢?疫情下,唔係親屬係唔可以飛過去嘅,咁你明白啦!疫情下個名份好緊要。」

早前嘉姐為香港開電視拍攝旅遊節目《旅遊達人滯遊香港》,節目中嘉姐要到無人島拍攝,她說:「其實都驚嘅,但係有一種內在反思同感受。旅遊唔係等如食買玩,其實係點樣去豐富自己,旅遊係一種訓練,令到你喺唔同環境底下都可以適應。」

娛聞樂陪你走遍全球追星,即Like「娛果」FB 專頁!
BannerBanner