邵仲衡將參與韓劇演出 接種兩劑疫苗做準備

更新時間 (HKT): 2021.05.11 23:12
邵仲衡將到韓國拍韓劇。

黃夏蕙今晚帶同兒子胡禮明,邀請一眾好友包括邵仲衡、黃榕及陳欣健等,去到銅鑼灣出席電影《海霧Abyssal Spider》特別場。邵仲衡透露將參與一齣韓國劇集演出,原定已出發,但因疫情而延遲,他說︰「今次要講韓文,有教練教我,都只係教我啲皮毛,劇中做一個去到韓國嘅典型香港人,係新嘗試。」由於約了保密協議,未能透露今次他與誰合作。

邵仲衡剛完成兩劑復必泰疫苗接種,他說︰「第二針打完個人high high哋,我諗打第二劑後,身體有強啲反應,如果有長期病患,自己真係要小心。我家母喺英國係第1批打,佢都冇事,冇理由我有事,我又冇大鑊嘅糖尿同三高就放心。由於拍戲時會較多人,到時你惹人,人惹你都唔好,我覺得係應該要去做。」

至於年屆90歲的夏蕙姨表示,仔女工作忙,難得日前一起食飯慶祝母親節,兒子今日抽空來陪伴睇戲。黃夏蕙表示,正籌備一個網上籌款騷,預計7月舉行,會邀請魯振順、邵音音等擔任嘉賓,夏蕙姨說︰「知道佢(魯振順)結咗婚未擺酒,睇佢鍾意啲咩就送畀佢。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner