ViuTV一哥強尼獲邀睇MIRROR尾場騷 安排兩個終極目標給自己留念

更新時間 (HKT): 2021.05.11 16:52

一連6場的MIRROR演唱會今晚將會在九展舉行尾場,連日來一眾鏡粉在網上瘋狂洗版,皆因這個演唱會出現一票難求情況,日前更有網站出售今晚尾場原價780元的門票,及1,280元VIP門票,黃牛竟最貴開價至231,800元,炒至逾297倍,其他黃牛天價還有逾13萬至21萬元不等,雖然這些只屬黃牛黨的叫價,有價無市,不過已經成為城中另一個話題!

花姐今日在IG的貼上MIRROR站在台上的背影相並說:「今日last show,好好享受舞台!」貴為ViuTV一哥的強尼,今晚有份入場睇騷,他在IG Story亦有轉發尾場被炒至23 萬的新聞並說:「嗱!係咪先,我個位係咪可以平平哋三十萬賣咗佢。。。我相信公司唔會怪我嘅!今次仲唔可以換部新嘅卡拉ok!Yeah!」開完玩笑後,強尼當然是自己入場睇騷,不過連日來fans們瘋狂式洗版,他笑稱綜合所有IG Story,成個演唱會由頭到尾睇了很多,所以今晚睇show會畀自己兩個目標:「1.喺台下喪同佢哋揮手,直到佢哋每個人都睇到同我揮番為止。2.入場前同佢哋嘅應援團集齊晒12份應援物,畀佢哋簽埋名一set留念!」

「腦細」林日曦在FB重貼兩年前與姜濤合作拍廣告的相片,他說:「有人問我係咪唔鍾意MIRROR?我笑而不語,心諗阿叔我兩年前已經菠蘿雞咁黐埋去姜濤嗰度,搵佢拍廣告啦!至於點解我冇去睇佢哋演唱會,其實好簡單,廿幾萬一張黃牛飛...好似略嫌貴咗少少..我想留返啲錢嚟買過架車..然後將呢架姜濤坐過嘅車仔,用廿幾萬賣返出去..然之後先用得返嚟嗰廿幾萬去買張飛睇MIRROR..唔知有冇得諗..?」結果反而有網民讚「腦細」有眼光,一早已經找姜濤拍廣告,有人提議他不如再搵姜濤合作!」

父母捧場 姜濤流淚

另一方面,姜濤在母親節當晚在台上演出時感觸落淚,原來他父母到場睇騷,今日《壹週刊》有報道指開場前,有不少姜糖上前跟姜媽姜爸打招呼,直到MIRROR大合唱時,姜濤不時望向台下的父母,忍不住感觸流下男兒淚,其間更不斷向隊友介紹父母,指住台下的姜爸,細細聲說:「我Daddy呀!」同時又望住媽媽,做嘴型說:「母親節快樂!」

此外,蔡一智、關心妍夫婦、陳蕾和商台DJ Vani昨晚亦有到場睇騷,完騷打咭當然是指定動作,Vani在IG貼上合照並說:「MIRROR在香港人最需要重拾笑容、信心和希望的時候出現了!」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner