姜濤首拍電影演毛舜筠囝囝

更新時間 (HKT): 2021.05.11 02:00

MIRROR近日人氣爆燈,其中以姜濤氣勢最驚人,他今年至目前已拍數十個廣告,成為新一代「吸金王」。據知姜濤即將初登大銀幕首拍電影,與金像影后毛舜筠(毛姐)合作拍攝彭秀慧執導的新戲。《蘋果》收到消息指姜濤和毛姐在新戲中飾演母子,故事大賣親情,姜濤本身一直有跟彭秀慧學戲,今次可算是他首踏影壇。《蘋果》昨日就此事致電彭秀慧求證,但她未有直接承認︰「咁開心,我諗我哋希望快啲有電影,但所有嘢unknown、真係唔知道,連啲卡士同古仔都未知,真係唔好講,小器。𠵱家個個都想同佢(姜濤)合作,你知電影搞起上嚟唔係話搞就搞,冇嘢係值得講。」

其實彭秀慧日前已特地帶同毛姐到九展欣賞MIRROR演唱會,完騷後兩人到後台跟MIRROR見面合照,毛姐對12位後生仔讚賞有加,她在Ig貼相留言:「唔使再問MIRROR有幾勁,因為真係好好好勁,好耐都冇試過睇演唱會睇到咁high,嗌到聲都沙晒。跳到唔記得咗自己幾歲。多謝MIRROR帶畀香港人幾乎已經遺忘了的歡樂。」據知彭秀慧趁機介紹毛姐跟姜濤認識,為合作熱身。

娛聞樂陪你走遍全球追星,即Like「娛果」FB 專頁!
BannerBanner