MIRROR演唱會丨12子喊住升空 唱《一秒間》催淚

更新時間 (HKT): 2021.05.11 23:45

MIRROR成軍三年,上周四(6日)重返九展Star Hall開第二個演唱會,叫座力驚人,有黃牛開癲價賣飛,另有人為求入場,不慎中伏受騙。

今晚尾場run down依舊,不過MIRROR成員更投入,Anson Kong唱完《黑之呼吸》後,他向台下fans說:「今日係最後一場,仲坐喺度?大家準備好未?」其後有一節Anson Lo與阿Jer又唱又跳,擅跳舞的Anson Lo笑言跳到鼻水都流埋,唱歌擔當的阿Jer就說:「我終於跟到Anson Lo節奏,佢跳兩首歌都唔喘氣,係唔簡單。」阿Jer之後又送上尾場限定,加唱《水刑物語》才唱《狂人日記》。

尾場演出期間,阿Jer、Tiger、Jeremy、Alton都忍不住喊,姜濤、Edan及Anson Lo要安慰隊友,後來唱團歌《一秒間》時,唱先的Anson Lo喊到唱唔出聲。平時12人在吊架上派心冧fans,今晚Anson Kong拿出相機,拍下當刻感人畫面。

Alton壓軸亦同樣催淚,他講到花姐從他身上睇得到「感染力」,Alton開始哽咽,台下有人大叫「王智德世界第一」(Alton中文名),終於令他感觸到要停下平復情緒,再慢慢一字一句為演講收尾說:「條路好崎嶇,要行到過嚟唔容易,我知我有你哋。所以我要以行動證明畀大家睇,人生總有路好難行,只要堅持,先可以去到目的地。」

姜濤:香港樂壇加油!

完騷前MIRROR在台上輪流多謝支持,平時少出聲的Tiger主動要咪,多謝父母睇尾場。Edan指多謝公司開拍《調教你MIRROR》,因此才反思:「如果唔係經歷咗梅窩嗰次,可能我哋好似網民咁講,半年之後就會唔見咗,經歷完呢次演唱會,我可以好肯定仲有好多個3年。」Ian說12子初心一樣:「做好每一首歌,跳好每一隻舞。」姜濤最簡單,留下兩句:「香港加油!香港樂壇加油!」Lokman說演唱會台上台下都完美:「成件事……好似好簡單,你哋買飛入嚟睇……」不過台下大笑並叫上台:「好難呀(買飛)!」令Lokman要笑住道歉。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner