王秀琳遭網民狙擊「屈人非禮」事件 爆男主角:有6次非禮紀錄

更新時間 (HKT): 2021.05.12 14:07

近年淡出娛樂圈的王秀琳(Mango)昨晚做「鬼王」潘紹聰的網上節目嘉賓,不少網民在節目中留言指摘Mango拜金和屈某某人非禮等,令她「條氣唔順」兼「好嬲」,自爆當年遭非禮後要啞仔食黃連的內情。她說:「我都唔會怪人,好多以前新聞誤會我人格,而我冇機會去解釋、平反,加上以前唔夠膽去講,就算係事實,但公司都想我講少句,等佢件事忘記。但其實唔係咁囉,我離開咗都係咁,到你死嗰刻都係帶住呢樣嘢去死。」

睇留言睇到喊

Mango表示有時睇到鬧自己的留言會睇到喊,即使信佛,仍難以放下,還在節目中爆料說:「啲人話我冤枉某某人非禮我單新聞,講真當時自己戇居,公司幫我開記者會我只識喺度喊,唔識去解釋,因為好驚,一個女仔二十出頭,唔會生安白造,咁冇面嘅嘢。」

她續說:「嗰日係鬼門關開,嗰時喺清水灣亞視影城拍嘢,劉以達同佢老婆好錫我,以前我住觀塘,每次都會兜埋我返屋企。但嗰日冇佢戲份,嗰位演員,唔想去開名,走埋嚟話陣間收工一齊去食飯,就同主角一齊去食消夜,嗰次係我第一次接觸男主角。食完飯後,男主角住將軍澳話順路兜埋我,送我返去,成個人已經好快擒喺我身上,唔係誇張,唔係特登講衰人哋,唔好話發毒誓,總之我唔會講大話,之後情節唔講得咁清楚,我喺車裏面求佢放我走,佢好大力壓落嚟,我係咁喺度喊,我真係求佢放我走。」

Mango稱落車後喊到不敢返屋企,怕同住家人擔心,只找了一位好姊妹哭訴,之後又返公司繼續開工。怎料男主角當無事發生,還在locker拿出餅乾問人「食唔食」,令Mango嬲到震:「我嗰刻真係好想殺咗佢!」

男主角有六次非禮紀錄

有份食飯的男演員見Mango雙眼通紅,即上前慰問,但後來才知對方向記者通風報訊,令事件張揚。之後經理人公司為她舉行記者會,她聲稱自己是歌手出身,但面對電視版記者的尖銳提問,覺得是偏幫男主角。她說:「問點解唔即刻報警?我驚吖嘛。但後來我又覺得係喎,點解唔報警,我咪去囉,好似係藍田差館,太耐唔記得,但當時一位madam錄口供,話嗰個人喺佢哋差館有6次非禮人嘅紀錄,我真係發誓我冇講大話,但以前冇咁多天眼,衫都洗埋啦!我成日畀人去鬧去話,我已經好慘,當時細個發生呢啲事俾人話我屈佢,好慘。」而潘紹聰打圓場說:「人比鬼更加恐怖,放下啦。」

Mango曾參與過亞視《我和殭屍有個約會3永恆國度》,於04年聲稱遭同劇對手非禮,指對方於駕車送她回家途中,強行拖手、強吻,甚至想伸手入其衫內。而嫌疑人尹天照表示樂意與Mango當面對質,Mango最終報警,尹天照曾被帶返警署協助調查,同年12月,尹天照獲通知不予起訴,事件告一段落。而信主後的尹天照亦表示因宗教問題不會再拍《殭屍》系列。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner