麥明詩提議掟佳麗到荒島求生測真性情 自認有齊港姐應有特質

更新時間 (HKT): 2021.05.12 17:32

由戚其義監製兼執導、麥明詩、麥子樂、黃又南和陳雅麗主演的亞洲心動娛樂(AMM)網劇《逐流時代》(暫名),今日在大埔亞視總台取景。提到麥明詩、麥子樂和黃德斌在劇中的三角戀,當中麥明詩和麥子樂有場激情戲,但麥明詩卻傾向與黃德斌拍:「始終德斌比較前輩啲,佢(麥子樂)就來日方長!」麥子樂即笑說:「嘩!即係叫我等吓,佢(黃德斌)而家同男仔拍㗎嘛!」

獲麥子樂讚狀態Fit爆

麥明詩早前預告將會拍一場泳衣戲,屆時會出動私伙泳衣,更積極收身以達最佳狀態,她指現時的狀態是入行以來最好的,麥子樂大讚對方fit到爆,麥明詩說:「而家當拍戲係一個興趣嘅時候,心態會更加開心同珍惜,好似冇咗嗰種工作壓力。」

問到她在大台拍劇相比,現時是否較舒服?她說:「其實而家拍嘅時間比之前係長,因為我喺無綫拍劇,好多支線,今次就要喺最短時間內拍晒,所以每日都好充實,但有足夠休息,同埋最開心係每日都有人『萬歲』。」麥子樂說:「係呀,連收音師、燈光師都會『萬歲』。」

帶私伙酒開工

問到曾志偉有否斟她返大台幫手做港姐?麥明詩表示一直跟大台保持聯繫,可惜因時間緊絀,但都想保持溝通。她更提議可安排今屆港姐佳麗們在荒島求生,這會凸顯她們的真性情、獨立和堅毅的一面,全是港姐應有的特質。麥子樂聞後望着她笑,麥明詩反問:「你做乜笑呀?你望住我唔覺得我有呢啲特質咩?」麥子樂打圓場:「10優!」麥子樂又開玩笑說自己越來越欣賞麥明詩。

另外,麥子樂指拍攝非常順利,大讚阿戚拍劇又快又爽。由於近日的廠景以酒吧為主景,所以麥明詩這兩天都帶了私伙酒。問到是否邊拍邊飲酒?麥明詩表示:「因為阿戚會有朋友嚟指點吓,所以帶啲酒嚟一齊飲開心吓,而且有啲道具好甜,我又減緊肥,不過我哋都係飲少少。」

陳雅麗投訴遭黃又南拮痛

至於黃又南與陳雅麗飾演情侶,早前已拍了一場親熱戲,陳雅麗笑說:「我哋嘅親熱戲係激吻、喪吻。」黃又南笑指是對方主動,不過陳雅麗就嫌棄是「仙人掌之吻」,她說:「錫完之後,我個下巴好痛,仙人掌插落嚟咁,拍完嗰場,化妝師都要幫我冚返啲粒,紅晒。」黃又南摸摸下巴笑說:「佢投訴話『好似被仙人掌拮完,你啲鬚呀!』,但我摸過都唔係好拮之嘛……」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner