林師傑多份兼職捱世界養老婆 無懼艱苦最緊要夠充實

更新時間 (HKT): 2021.05.12 15:12

林師傑與黃浩邦為開電視主持全新唱遊節目《駕輕就熟》,分別邀請好友暢談不同話題,今日邀請鄭融到尖沙嘴一拳館拍攝。節目中會與朋友分享成長過程,又會駕車唱歌,之前就邀請J.Arie討論香港樂壇是否已死及環境生態。

林師傑於2018年與太太歐陽巧瑩結婚,早年他為搵錢外闖離開大台,如今不愁工作,他說:「比起以前free好多,每日做嘅嘢都係為自己為老婆,可以解釋到自己點解咁做。」現時身兼多職包括補習老師、製片、教直立板、節目主持等不同範疇工作,人生比以往充實,計落應該收入大增,他笑說:「收入少咗好多,請大家供養林師傑,等我繼續追夢,我夢想做有錢仔,仲未放棄,成日叫我阿爸阿媽努力啲。」

不排除回巢

大台改朝換代人事變動,林師傑不排除回巢,續說:「自己冇所謂,近日有傾過返去做音樂節目,我當時離開只係為生計,最終目的係要養老婆,但你萬二蚊一年我根本養唔到老婆,而家就差唔多養得起。」即使回巢合作會以快樂為主,不想為錢傷感情。

鄭融與林師傑早已相識,女方不怕被追問尖銳問題,「問得就會答,只係睇點答,大家都識咗好耐。」近年鄭融分別與3大電視台合作,感受不同風格,覺得係好事,合作開心。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner