吳若希願收錢做潑婦直播鬧交 向農莊下「刪相令」懶理網民

更新時間 (HKT): 2021.05.12 16:12

言行一向「惹火」的吳若希近日因被一個農莊將其照片放到官方平台,惹其不滿,她更直接留言叫對方刪相,被網民熱議她「好大官威」。今日吳若希到新城為新歌宣傳時,親自解釋事件來龍去脈,指當日因女兒生日到農莊遊玩,屬私人時間,力斥好多人未必知道相片用法,她說:「對我嚟講係一個提醒,但唔明件事點解會發酵成咁,當日農莊有攝影服務,影完相之後我冇買,佢放咗我其中一張相出嚟。」問到是否不甘被借用作宣傳?她否認說:「私人時間,同行仲有幾個家庭,令我唔舒服,而且商業社會,又有經理人公司,總之處理咗就唔使再講。」

網民連串質疑吳若希此舉是否未P圖不滿意?她說:「我冇所謂,我唔化妝都係咁出街㗎啦,哈哈!」對於被指好大官威?她懶理說:「唔緊要,我都冇嘢講,唔鍾意你就係唔鍾意你。」吳若希和網民開火之餘,不忘為自己channel宣傳,她說:「諗緊點樣將負面嘢變成賺錢,有意見要反駁都要喺網上駁,我發現大家好鍾意睇我鬧交,例如爭論又或同老公鬧交,可以研究令人課金。」並指現今人生最着重健康和金錢,笑稱:「老公有錢唔代表我有,我諗佢嘅遺囑都係寫畀仔女,調返轉我都係寫畀仔女。」

吳若希在母親節推出新歌《只想你記得》,想贈送給天下父母及一對寶貝子女,內容講父母在兒女身後陪伴成長,希望仔女成長後記得媽媽仍在身邊。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner