【娛樂人物】推戲係冇體能唔係寸 
葉童「登六」自由人

更新時間 (HKT): 2021.05.12 02:00
■葉童還有兩年踏入60歲,她指不應受年齡局限,想到就應該去做。

葉童近日客串ViuTV劇集《無限斜棟有限公司》,與27歲模特兒盧慧敏合演母女,日前她在九龍灣接受《蘋果》訪問,還有兩年便「登六」的葉童,表示在這個年紀更想做自己,不受束縛︰「點解要用年紀局限一個人。」她說年輕時因為體能未能同時拍幾部電影被認為是寸,但她只是忠於對演戲的熱誠,不想變拍攝機器。

現年58歲的葉童,在演藝圈打滾逾40年,1982年她憑出道電影《烈火青春》一炮而紅,她一直以為很了解自己,想不到,過去一年多的疫情令她生活大轉變,葉童說:「呢一年了解自己多咗,以前會令自己好忙,不停諗好多嘢,睇電視同聽歌,搞到好攰好夜至瞓,但疫情令我多咗時間,打機、睇電視睇到想嘔,覺得要變,令自己早啲瞓。」她嘗試熄掉所有視聽器材,在寧靜環境下臨瞓前做伸展運動,竟改變了多年來的陋習,變得早睡早起,她說︰「我目標係7點鐘起身,原來我都可以靜,呢個感覺好舒服,平淡生活多咗空間,好正!」

叠住工作好辛苦

葉童在昔日電影的黃金時代下,絕對沒有連踩幾組戲,令人以為她「唔志在」,她表示:「誤會嚟,我試過一、兩次叠住工作好辛苦,晏晝太陽最猛嘅時候開工,直頭想暈低,見到架van直頭想衝入去瞓覺,覺得自己唔係演戲,只係紙板人個腦冇咗,真係過唔到自己,變咗我鍾意工作完要休息,一唞就幾個月,推戲只係體能適應唔到,我明白好多人以為我好寸。」

不應受年紀局限

談到即將「登六」的轉變,葉童說:「真係冇諗,一早忘記咗好多數字,數字會局限你嘅行為,對我嚟講我係冇變,想去學彈琴咪去學,想跳舞咪學跳舞,但好多時啲人會話:『你都一把年紀仲郁唔郁得,學唔學到嘢㗎?』唔係我學唔到,而係出面啲聲音話你唔可以咁做。」她說有次出席記者會,事後有親戚說有人指摘她歲數大,穿迷你裙不合身份,她說︰「有冇搞錯!嗰刻我好嬲,係嬲嗰位親戚,點解佢會因人哋嘅說話懷疑我嘅感受同品味呢?我唔係扮青春而係覺得靚,點解要用年紀局限一個人嘅打扮?」她還說:「𠵱家嘅女人識得錫自己同保養,知道自己方向,但大家仲用以前模式,上咗年紀喇,衣着、行為要檢點,好奇怪!唔係應該活得精采咩?因為資歷夠了解要啲乜同可以做啲乜。」

撰文:唐琛悠

娛聞樂陪你走遍全球追星,即Like「娛果」FB 專頁!
BannerBanner