分開為免困獸鬥

更新時間 (HKT): 2021.05.12 02:00
■與27歲模特兒盧慧敏(左)在劇集合演母女,葉童直言起初角色令她不習慣。劇照

葉童近日「回流」拍港劇,角色為展開新生活拋下女兒,葉童表示起初不習慣:「最初唔知點樣演繹角色,唔理解阿媽點可以咁狠心拋低個女。」後來與導演傾談後有所啟發:「佢話有一種關係,係我唔同你一齊就係對你好,我發覺原來真係有啲咁嘅人,我對住你時只係諗到負面嘢,與其一齊困獸鬥,不如分開。」

葉童不諱言拍戲曾遇到這類人:「大家好似八字唔啱,我講一句,唔知佢聽到定聽唔到,咁做嘢好難,如果係對手,通常我會將focus校蒙啲,太清楚會令自己諗好多嘢。我認為啱佢可能認為唔啱, 咁我冇理由不停要求對方,咪我自己調整。遇到對手唔啱就拒絕,好似唔係演員應該做嘅事,況且好多工作都係短期,幾難頂都係一、兩個月,況且人會變,今日唔夾唔等於將來!」

娛聞樂陪你走遍全球追星,即Like「娛果」FB 專頁!
BannerBanner