林奕匡有意為家增添成員 驚聞陳柏宇失子嚇呆

更新時間 (HKT): 2021.05.12 21:59

林奕匡今晚在銅鑼灣舉行小型音樂會,獻唱5首歌,現場招待約50名樂迷。對於好友陳柏宇的太太符曉薇早前公開因不幸陀畸胎,最後決定進行人工流產一事,林奕匡聽後即呆一呆,一臉擔憂說:「都係你話畀我聽,我先至知,我陣間會message佢(陳柏宇)。」但他想一想再說:「不過佢哋後生,OK嘅。」

提到林奕匡與李靄璣結婚4年,原來都有計劃生小朋友:「我知道如果有咗小朋友,自己會將focus放喺小朋友身上,但我哋各自喺工作方面都有嘢想完成,不過有好多嘢都仲未做到,雖然兩者(工作及生小朋友)都心急,但有啲嘢係自己控制唔到,要隨緣。」

攻紅館指日可待

提到不少歌手陸續開演唱會,林奕匡亦表示今年有機會開音樂會。問到是否入紙申請紅館?他說:「未係,我都希望將來可以喺紅館。」現時會否為音樂會創作主題曲?林奕匡指自己都是剛收到公司的消息,「我都好期待,因為對上一次係兩年前開。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner