岑麗香細仔出世 一邊餵人奶一邊拎奶樽 「Double trouble, double love」

更新時間 (HKT): 2021.05.13 13:17

恭喜,「香香」岑麗香今日在社交網宣佈誕下第二胎,貼出餵細仔飲人奶相,另一隻手就幫大仔Jacob拎奶樽,非常忙碌。而另一張相就見到BB的側面,頭髮濃密,眼長長好似哥哥。香香留言:「Double trouble, double love. #小腰果多多指教 #mynameisBabyJuJu @nyoted」。《蘋果》今日致電香香,問BB幾時出世?生B過程是否很辛苦?她笑說:「我而家忙緊,轉頭會覆大家,thank you。」

香香老公「強強」Joshua亦有上載幾張靚相,再做爸爸難掩興奮心情,其中一張相高舉住細仔,又有老婆攬住大仔的溫馨合照,見香香肚凸凸,明顯未修身。Joshua透露細仔英文名叫Julius Samuel Ngo,特別用上爺爺名字,出世時就重3.02公斤(約6.65磅),勞苦功高的香香身體亦復原得很快。及後香香再回覆《蘋果》說:「多謝大家,收到好多人祝福,我哋完全收到晒。小BB叫Julius,容易啲叫佢做Baby Juju。媽咪同BB都返咗屋企休息,所以多謝大家嘅關心。哥哥好開心,因為我哋一早預備咗一份禮物由細佬送畀哥哥,哥哥一直好想要一份顏色筆,買咗話係細佬送,所以佢都好滿意呢個細佬,希望所有嘢都順利,遲啲再見啦!」

現年36歲的岑麗香2016年底與6呎高的圈外男友Joshua在溫哥華舉行婚禮,2019年誕下大仔Jacob,透露囝囝乳名叫「BooBoo」,至今年2月再宣佈懷第二胎,現BB出世組成四口幸福之家。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner