前無綫綠葉夏竹欣正式成為人妻:大家幫手叫多啲黎太

更新時間 (HKT): 2021.05.13 18:41

前無綫綠葉夏竹欣上月入紙與圈外男友黎偉諾登記結婚,二人的婚禮原來在昨日已經舉行,成為黎太的夏竹欣,今日在社交平台分享婚禮相片,她笑言對於黎太這稱呼仍未習慣:「早晨黎太,知道係一定會好唔慣,要用少少時間去適應吓啦,唯有大家幫手叫多啲啦!多謝天公做美,噚日喺非常晴朗嘅天氣下,我最重要、最愛、最好、最錫嘅人都陪住我見證住我人生其中一個對我嚟講最重要最重要嘅時刻,感激我遇見你哋每一個,最重要就梗係多謝黎生啦,你係得嘅,我️愛你!」

當日婚訊公開後,不少昔日合作的藝員朋友先後向她送上祝福,她坦言最初未有計劃對外公開,留待所有事籌備完成才通知一眾親朋好友。在2007年因為拍演出處境劇《同事三分親》時認識黃子雄,兩人拍拖8年因了解而分手,不過兩人再見亦是朋友,黃子雄獲悉舊愛結婚亦大方送上祝福:「我哋仍然係好好嘅朋友,經常會見面,我當然知道佢訂婚,好替佢哋開心。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner