廖啟智遺願電影《翻兜人生》獲170萬資助限今年內開拍 多演員請纓無條件參與

更新時間 (HKT): 2021.05.13 16:56

莊澄與田啟文今天於石硤尾出席「專業電影口述影像培訓課程」啟動禮,田啟文對口述電影深感興趣,希望能聲演角色感動人,他今天出席活動時說:「我把聲化咗灰都認得,自己都試唔同類型演繹,啲人覺得我把聲好笑,我就想試吓悲情嘅,想試吓聽到我講故事會令到人喊。」

提到跟已故藝人廖啟智合作電影《翻兜人生》,田啟文表示正努力籌辦,目前最重要是修改好劇本:「劇本未係最滿意,啲位錯晒唔理想,又再重新嚟過,雖然好心急想快啲起動,但唔可以為開而開,寧願花多少少時間喺劇本上,原本我都想參與,但而家由一個編劇加入多一個,之前角度比較窄,而家兩個人多咗火花。」

田啟文又謂電影延遲開拍,故未敢找演員,但不少演員已舉手無條件參與,而今次電影是「電影發展基金會資助計劃」的最後一部電影,獲170萬港元的資助,條件是今年內開拍,田啟文表示會把握時間:「呢部係資助計劃嘅最後一部電影,對我同智叔又好,都好有意義,投資者都有講過如果冇資助都得嘅,但原本計劃係咁,就唔好嘥咗。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner