MIRROR自認「小薯」婉拒葉劉推薦北上 唱歐國盃主題曲兼首播濕身MV

更新時間 (HKT): 2021.05.13 18:41

人氣高企的組合MIRROR與ERROR,今日去到九龍灣ViuTV錄影廠出席《Now歐洲國家盃2020》發佈會暨節目巡禮。大會宣佈強尼會配搭ERROR四子及專業評述團隊為足球賽事擔任旁述,MIRROR主持相關節目《EURO鬥Goal Fun》,同時擔任歐洲國家盃2020宣傳大使,主唱香港版本主題曲《The Beautiful Game》,同場首播濕身MV。

剛完成演唱會的MIRROR,繼續無休假工作,Anson Lo更連續36小時沒睡,他說:「做完演唱會當晚要染番黑個頭,搞到朝早5點再去拍廣告。」Edan獲森美賜名「女婿安」,源於森美女兒很喜歡他,Edan說:「多謝佢囡囡,受寵若驚,等大個啲先講。」Edan的母校港大用其照片作為招生廣告,Edan說:「張相係好耐之前影,母校招生係開心事。」

葉劉淑儀建議商務及經濟發展局局長邱騰華,爭取讓MIRROR到內地做騷,推廣香港文化,又建議MIRROR可以參加內地節目《天天向上》等,Anson Kong(AK)回應:「我哋成名只係兩年半,剛開咗第二個演唱會,我啱啱先成為本地樂壇一分子,做好自己本份先。我主力暫時focus本地,表演冇分國界,進修好自己才藝先,令香港以外地方嘅人喜愛我哋。」Alton說:「我哋唔算做得好好,仲有幾多不足,要提高自己水平先。」

醫學會長蔡堅建議,若然要靠年偶像宣傳打疫苗,官員對年輕偶像姜濤及MIRROR亦應該要有認識,AK回應:「希望我哋有能力影響新一代,只要堅持自己夢想都會感染到身邊人。不過搵我哋唔恰當,我哋唔係咁高人氣,搵發哥比較啱數,喺演藝界我哋只係小薯。」Alton則笑言:「注意個人衞生係必需,有時我哋團內都有幾個比較污糟,邊個就唔講,唔過一半人。我有潔癖,有時見佢哋除咗口罩,就咁放入褲袋。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner