ERROR自肥企画丨半小時節目唔夠播 特製加長版凌晨放上網 觀眾捱眼瞓睇Mike下體受創

更新時間 (HKT): 2021.05.13 16:49
(網上截圖)

《ERROR自肥企画》第8集昨晚播出,節目出街前幕後團隊已在IG預告會有加長版放上網,結果電視版節目完結時,最後一個遊戲仍未玩完,只播到肥仔失平衡從高處跌下的畫面,並以藍底白字的走馬燈寫上「由於本集播映時間有限,各位觀眾請移玉步到ViuTV網頁觀賞《錯誤體育祭》足本版,不便之處,敬請原諒,多謝支持。」突如其來畫面,令不知情的觀眾一時接受不到,討論區紛紛出現網民留言,「佢咁樣黑mon+出字幕,我以為肥仔跌死咗。」、「聽朝返早啊,你叫我睇唔睇埋先好瞓好,唔睇埋先又攞攞攣,睇埋又驚唔知醒。」正當觀眾苦等至凌晨12時許,上載至網站的第8集卻是電視版原版,即激起民憤怒鬧爆「幾點有足本」、「足本版呢?」,最後凌晨一時才上載較電視版長多6分2秒的第8集加長版。

第8集以「錯誤體育祭」為題,考驗ERROR成員間團隊精神,由於阿Dee再次因為拍戲而缺席,貌似阿Dee的陳海寧(Dee姐)第二次替身出賽,而肥仔、193、Dee姐與保錡的「主持隊」決戰對手是由格仔導演Mike、Agent L及兩位幕後文卓森與Rain P組成的「團隊隊」。

導演Mike下體受創

第一回合射籃球環節,有曾經是籃球校隊的193坐陣,「主持隊」勝出固然是不容置疑。第二回合水中步行接力,193繼續發揮茅躉精神,在落後情況竟出手硬搶導演Mike手中接力棒拋走,事後更力直氣壯說:「詳細閱讀規則後,冇話唔准搶人支捧。」但由於他們犯規次數太多,結果由「團隊隊」勝出。最後回合層層疊汽水箱,由導演Mike硬戰肥仔,兩人要邊爬邊疊高20個汽水箱,肥仔兩度塌箱,已勝出的Mike最後成功完成20層箱挑戰,選擇從高處跳下時回地面時,不慎被威吔勒傷下體,痛苦瞓地。

Dee姐泳裝上陣

比賽最後由「團隊隊」勝出,各人回收1,000元製作費,193質疑導演Mike完全是自肥,當宣佈將獲得價值4,000元紀念金牌的MVP獎時,「影壇巨星」阿Dee突然現身,並宣佈得獎者是193,正當193難以置信說:「係咪真係我?我唔想做關家姐。」阿Dee接着說:「係193嘅隊長肥仔。」不憤的193即衝前硬搶肥仔手上紀念金牌。其實今集亮點,網民都放在Dee姐泳裝及擁有一排朱古力腹肌的導演Mike上,更將導演Mike的腹肌跟ERROR 3子的腩肉作比較。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner