姜糖註冊姜B幣$500粒有價有市 專家呼籲:冇姜濤認可唔好亂買

更新時間 (HKT): 2021.05.14 14:45

人氣男團MIRROR一連6場演唱會日前圓滿結束,12子各有粉絲團支持,逼爆九展,成為近10年難得一見的追星熱潮!而粉絲為博偶像一笑,無所不用其極,其中以姜糖最為進擊,上月底豪花近百萬在港九新界鋪天蓋地為偶像慶祝22歲生日,早前更有姜糖以姜濤命名於新西蘭買地皮,姜濤也被粉絲的舉動感動,鼓勵粉絲多做善事:「有粉絲新西蘭買了塊地畀我,代表我支持環保,嗰塊地唔係用嚟起樓,塊地有我個名,只要帶住張證書就可以入去,不過我最開心嘅係fans捐錢做善事,幫助有需要的人。」

昨日發現有人以姜濤(Keung To)及MIRROR的名字註冊虛擬貨幣,根據加密貨幣網站BscScan顯示,「MirrorHK」幣的總數有100億個,而「KEUNGB」幣則有1萬個,分別有22人持有,而根據顯示,兩款虛擬貨幣均已經能夠交易,姜濤幣更有價至500元港幣一粒,認真誇張!而在Facebook有位名叫Candy Keung自稱「KEUNGB」幣是由她創造,她表示創造這些幣的原因是太愛姜B,本意是造一萬個來儲,還說想送一些「KEUNGB」幣給偶像姜濤。

其實MIRROR爆紅也引起不法之徒有機可乘,無論演唱會黃牛、借偶像名義行騙,粉絲會不小心慘墮騙局,為免有人借偶像名義呃錢,粉絲支持偶像之餘,也要先了解清楚才好試。《蘋果》就「KEUNGB」幣一事致電CoinUnited.io共同創辦人兼RedSo合夥人李思聰查詢,他說:「我噚日都有留意,而家姜濤幣500幾蚊港幣一粒,一上就有呢個價都算誇張,其實任何人都可以創造自己嘅幣交易,唔需要上架、上市,係自由嘅,但唔好因為有得賣有價錢就放晒啲錢落去,其實應該唔好亂買,因為係冇姜濤或佢公司認可,啲錢收咗會做啲乜嘢呢?咁樣等於啲人喺街度買啲人畫嘅一張10蚊紙一樣。」《蘋果》亦就此事聯絡MIRROR經理人花姐,但暫時未有回覆。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner