應智越逆流而上追趕音樂夢 唔怕死挑戰後空翻獻技

更新時間 (HKT): 2021.05.14 06:00

香港跨過了樂壇最光輝時代,近年悄悄迎來新世代,身懷才藝成為基本條件,出道贏在起跑線上又會是禍是福呢?對於曾參加第一輯《全民造星》的應智越(細貓)而言百般滋味在心頭,當年時機錯過了,時間不等人,眼見同期比賽好友都在星途上紛紛發力,他卻在起步位浮沉,疫情下零收入仍咬緊牙關捱下去追尋音樂夢。

細貓3年前參加ViuTV《全民造星》時以韓國練習生身份打響名堂,擁一把變化多端聲線,又懂得音樂創作,多次以個人手筆曲風演出,為他贏得不少分數,甚至在MIRROR誕生後,他一度被推舉成第13位成員,原以為可以贏在起跑線,偏偏是輸了在線上。當年細貓在練習生和大陸經理人捆綁下,令他動彈不得,無法繼續在ViuTV發展,只好靠自己才藝發圍。事過境遷,過去幾年他曾單飛出歌,中高悠揚聲線成為情歌專屬,但他希望獻出更多才藝,「喺韓國讀完書培育完,唔接觸返個層面,有愧於韓國老師,想拋吓書包等人知道我讀完音樂會有另類風格。」

為了創新突破,細貓近日勤練後空翻又密密健身操肌,他故作神秘,「細個見人哋跳舞有個空翻好有型想試吓,疫情下搵嘢學畀自己一個挑戰,若大家睇到我下個MV有翻筋斗就知我成功。」練習期間見細貓一躍一動都傾盡全力,有教練扶助下仍岌岌可危,難怪細貓說:「要有唔怕死精神,翻落去嗰下喺空中猶豫,唔嗲唔吊仲危險,我都好驚,呢個係一門專業學藝,目標想自己做到原地後空翻。」除了唱歌外,細貓早前首次擔任微電影《偽人》主角,獲得第八屆微電影「創+作」支援計劃音樂篇「最受歡迎微電影」獎項,細貓的原創歌曲《別想太多》也是微電影的主題曲。

論個人風格、實力,細貓絕不遜色,也是近年對本地樂壇有貢獻的創作歌手,在沒有強大後盾下做音樂,旅途上遇過不少掙扎位,近日他正式卸下所有包袱,自組工作室實踐音樂夢,務求將好音樂帶給香港歌迷。

細貓當日也是《造星》出身,和舊戰友一直友好,特別和呂爵安(Edan)、李駿傑(Jeremy)會在網上開live玩音樂。如今MIRROR和ERROR成為香港人氣男團,細貓最初都很羨慕,無奈時機不合,他只能捉緊自己方向:「12個人都要慢慢出道,自己又未去到好好,入到又未必出到歌,反而多謝自己團隊合作畀機會我做音樂,好想做好音樂先,有電影、綜藝、拍劇都可以搵我。」雖然無緣成為隊友,但細貓亦「跟車」跟得好貼,有支持追看他們節目。細貓將會挑戰歌舞領域,與好友包括陳卓賢(Ian)、江𤒹生(Anson Kong)、姜濤及Edan等成為直接競爭對手,他謙虛說:「唔係對手,大家出嘅歌都唔似,阿Lo(Anson Lo)跳舞勁,Ian唱情歌,AK唱Band歌,阿Jer(柳應廷)向緊K歌之王發展,姜B就大家都好愛戴嘅偶像,唔同類型。」細貓用創作為個人賣點,以特別風格吸引觀眾眼球,他有留意不同音樂平台,感覺香港巿民鍾意聽情歌,可能身處高壓底下,聽情歌能放負減壓。

經歷出道後暗黑歲月,現在細貓終於可以跟着自由步伐,他視過往為一種歷練,不忘自我警惕及警醒他人:「想簽約要留意細則,當初自己喺內地有限韓令,留喺韓國又等唔到出道,因為太多練習生,又冇收入,只有課程上,等咗3年好大失落感,始終機會都唔到手,被事件困擾咗5年,而家歡迎各種合作。」其次沒預計出道時遇上疫情,令他造成極大經濟壓力,去年疫情間完全零收入,直至近月才有工作,已有心理準備迎接重重障礙,同時兩手準備搵工幫補。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner