小占拍片談曾討厭MIRROR同ERROR搶工作 睇騷後變鏡粉感言打動網民

更新時間 (HKT): 2021.05.16 17:16

ViuTV藝人小占(英健朗)本身是精神科護士,不過喜歡演戲的他,早年經常參與舞台劇演出,之後又加入ViuTV演戲兼做主持,2019年他更參加《全民造星II》,可是星途平平。昨日他在其YouTube頻道拍了一條片題為「MIRROR演唱會後講感受,坦言曾討厭MIRROR ERROR?」片中他不單止表示曾討厭MIRROR和ERROR,但看着他們一路成長,有感而發談及他半年沒有節目拍的感受,獲網民留言支持同鼓勵。

曾討厭MIRROR

小占在片段中一開始表示自己每次看完演唱會都想飲杯酒,談及MIRROR演唱會,他有幸坐第一排,轉身看見一片人海,感覺如自己在開騷又正又羨慕。令他感受最深的是MIRROR成團初期,他說︰「我曾經有一刻好唔鍾意同好憎MIRROR同ERROR,佢哋真係有好多節目拍。公司未必成日用到自己人,再加上佢哋咁紅咁多人,覺得死啦,我一定冇節目拍,嗰吓好唔鍾意MIRROR同ERROR。」之後他更謂︰「由我開頭好憎、唔鍾意佢哋搶晒啲job,到而家唔係妒忌係羨慕,呢一行好需要時機,佢哋由冇人識到而家好多人追,我羨慕佢哋有自己嘅騷。」更坦言自己已成為鏡粉。

回想2019年他去參加《全民造星II》,當時ViuTV的高層金廣城曾問他為何參加《造星II》?是否想紅?他笑謂︰「咁當然,而且我好享受成班人一齊好開心,好熱血、好青春,想趁後生做啲年輕人做到嘅嘢。後悔自己參加咗,好過後悔自己無參加。」他坦言只是後悔自己當時表演很差,但沒後悔參加,他明白做這行是要等時機及要捱,他指︰「可能係個天嘅磨練。」有次他獲梁祖堯、同事及病人的讚賞同支持,感到好窩心。

Alton一番話感動他

不過他提及雙親時,難免有點眼濕濕,他說︰「有一次阿媽問我半年冇嘢拍,你驚唔驚?我答都冇辦法,而我阿爸就唔擔心,因為我仲有護士工作。」過往他的父母都會捧他場,看晒他有份參與的節目。他形容最慘的是被醫院同事問起︰「呢排冇嘢拍咩?」他便賴疫情影響才少了工作,令他一度細想是否將護士工作由兼職轉為長工。

他回想MIRROR演唱會上,令他最感動的是Alton(王智德),他指Alton在MIRROR中不是最紅一個,而Alton曾形容自己在隊中是隱形人,令小占感受到自己在公司也是隱形人,他早前返公司時有人問他︰「你仲喺公司?」因此當他聽到Alton在演唱會台上說︰「人生總有啲路好難行,但你要堅持,只有堅持才可以去到目的地。」令小占更感同身受,他說︰「做自己想做嘅嘢唔好放棄,一日未死,總有機會實現夢想。」未來小占會好好裝備自己,並多謝所有支持和鼓勵他的人。他這段片獲網民好評,更有不少網民留言給他不要放棄,令他十分感動。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner