C君爆TVB場務有權改劇本 馮盈盈讚編劇係節目生命

更新時間 (HKT): 2021.05.16 23:02
現時身兼監製的C君表示在就連美術及場務都會改劇本。

ViuTV的節目《晚吹-又要威又要戴頭盔》日前邀請3位編劇到節目講及業內情況,TVB前編劇阿茄在節目中指在大台工作3年多遇到很多不愉快經歷,更無懼除頭盔力數大台六宗罪,包括編劇要做埋道具、做社交平台小編、演員改劇本變劇情及就廠期「逼寫」劇本等。

對於阿茄力數指有男主角突然改戲,搞到編劇要被迫放棄之前的鋪排,去遷就男主角寫的劇情,現時同樣身兼編劇的農夫成員C君,今晚在將軍澳進行錄影時就指除了演員外,導演、監製、美術就連場務都會改劇本,「原來真係好多人會改你嘅劇本,可能因應拍攝需求,但我改得最多嘅係改我自己嘅劇本,不停改不停改,可能現場需要或者拍攝嘅時間,原來有好多嘅改動。」問到被改劇本時會否生氣?C君就笑指不會,因為改得最多的是自己。

改動係自然現象

C君又謂知道大家改劇本的出發點是希望讓事情變得更順利,但問題在於改劇本後有沒有正常溝通。至於陸永就指改劇本好正常:「好多編劇或導演或監製會用番自己嘅語言嚟講,所以都係非常正常嘅事。」提到有男演員認為自己無戲可演將劇情改為跪地爆喊,他說:「原本劇情係跳起慶祝,咁就有啲怪,如果原本係喊,但我要跪地,咁咪係演員做法。」而他又指演員亦經常會被要求改演技,故「改嚟改去」是自然現象。

同場的蕭正楠則指在片場中劇本有改動是經常都會發生的事情:「因為係你對自己角色嘅認識,同埋你同其他演員溝通,如果覺得嗰幾句唔係好順,又或者件事冇發生過,咁我哋咪喺現場改,其實好小事,我諗好多劇都會,有時同導演現場商量完就會改。」湯洛雯則表示明白編劇的辛苦,但有時因演員沒辦法跟對方溝通,故有甚麼也只是跟導演傾:「因為導演會接觸到編劇同演員,中間嘅一個溝道,所以有時真係要靠我哋同導演溝通,導演就可以同返編劇溝通。」

有共識先會做

至於馮盈盈則表示自己演戲經驗較淺,故只會跟着導演及劇本去做,而自己亦沒有見過改劇本的事情發生:「其實拍嘢係一個team work去創作,比較難會有一個人嘅意思去改動晒所有嘅嘢,就算係現場大家對戲擦啲火花出嚟,都係經過大家一齊有共識先會去做。」而她又謂自己好尊重編劇,皆因對方的想法是節目的生命:「橋同寫嘅內容都好精采同精警,我會努力啲演好佢,希望可以帶出入面嘅信息同佢哋諗咗嘅心思。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner