編劇點名讚Stephy、阿Sa備課開工 陳果體恤工作人員主動致電出糧

更新時間 (HKT): 2021.05.16 16:03

在ViuTV節目《晚吹-又要威又要戴頭盔》中,3位曾或現任編劇大爆行內秘辛,除了有大台前編劇阿茄呻爆慘況外,他們也有提及行內的「甜」事,其中有人獲陳果導演主動致電出糧,深感對方體恤基層員工;另有編劇點名讚鄧麗欣(Stephy)及蔡卓妍(阿Sa),是中新代的好演員例子。

節目邀請曾在大台打工的阿茄、2012年於演藝學院導演系畢業的任俠,及曾先後在大台及ViuTV等不同公司任職、沒有除頭盔的歪同學講編劇業界的辛酸。提及業界內的剝削情況,任俠指經常出現拖糧或唔出糧的情況,他指:「In house編劇通常都係月薪嘅,但係好多坊間嘅編劇呢,都係project base(逐個項目收費)嘅,即係以每個劇本去計。」他又提到如果以每個劇本去收費,可能會被分作4期出糧,一開始係大綱,跟住分場,跟住三稿劇本,亦有資歷較新的人試過被要求到寫五稿才有糧出。

為了保障業內從業員,任俠透露現正推出一項叫「開筆費」的項目,想在編劇落筆前收錢,萬一有甚麼意外,編劇也不至於血本無歸。任俠續指:「我哋都鼓勵大家將個百分比係定喺頭幾期係定多啲嘅,例如大綱、分場,佢一定要你寫㗎啦!你就定到八成喺你前兩期,因為其實有個好唔合理嘅條款,叫『電影成功上映後先出尾期』,因為呢個係極之唔平等、唔合理嘅條約嚟,點解一套戲要等到佢成功上映之後,編劇先可以收尾期?你個拍攝完成,其實編劇嘅工作就完整咁完成咗。」

難忘陳果叫出糧

而任俠入行快將10年,他有個難忘的經驗:「阿果係第一個會主動打畀我,叫我去出糧嘅導演,佢會話:『年尾喇,留返啲錢過年,快啲嚟出埋個尾期。』嗰一刻我係好感動㗎!我諗佢自己都係由基層做起,佢好了解嗰種苦況,同埋佢拍好多獨立片,佢又好鍾意用新人啦,其實佢好了解新人遇到嘅問題,有一次幫佢寫劇本,佢係主動喺個合約寫,今次寫得唔錯,加30%編劇費,我係第一次遇到,你會覺得同佢一齊合作,哪怕個作品都未知個成績係點,已經係好愉快。」

青雲自嘲解尷尬

雖然業內難捱,但他們也有遇到有誠意的演員,歪同學說:「中新代演員嚟講,Stephy同阿Sa,我係冇諗過佢哋嚟到嘅時候,個劇本係好厚,印晒出嚟,黐晒label,一坐低就問個角色core嘅東西,佢哋想做好嗰件事嘅感覺係好強嘅。」

而歪同學又聽過一單關於劉青雲的事迹:「從朋友口中聽返嚟,好好笑,嗰個應該係劉青雲,佢有一場戲要喺密室度喊,導演嗌cut,但因為嗰間房係密室,聽唔到,佢喊咗兩分鐘,出面又唔知佢仲喊緊,結果(覺得)唔對路,就去開門,有啲case係演員一出嚟就鬧人,但佢(青䨌)就唔係嘅,佢出嚟後自嘲:『我都知㗎喇,邊有可能咁耐吖……』佢自嘲完咗,咪大家繼續去做嘢囉,呢啲會令到個拍攝好舒服。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner