蔡嘉欣疑買狗扮朋友送 網民狙擊:一年唔知幾多隻poodle生到殘晒被棄養

更新時間 (HKT): 2021.05.16 23:00

27歲的蔡嘉欣(Kayan)2019年參選香港小姐競選,最後5強止步,但隨即簽約成為無綫旗下藝人。Kayan是圈中小富婆,愛炫富,曾在Instagram上大晒40萬現金,又經常大騷名車及名牌手袋;她在《姊妹淘》節目上自爆收任職ibanker的男友5位數支票作生日禮物,直認自己「現實」被網民指她是「拜金港女」。

Kayan在去年11月養了一隻Teacup Poodle(茶杯貴婦),在YouTube片中多次強調是從「朋友」手中所得,由她第一日接狗狗mochi返屋企時便說:「今日去咗我朋友度接咗隻狗狗返嚟嘞,mochi,佢上一手嘅爸爸已教識佢去廁所,所以佢係好乖,雖然偶有失誤,但好醒。」她指養mochi是一種緣份:「養佢都係一個緣份啦,因為有個朋友隻狗狗生咗BB,我就話好,我一直想養狗好耐,因養貓7年,諗咗好耐,點知返到嚟同隻貓打晒交。」

網民:買狗好乞人憎!

有網民直指她「買狗扮朋友送」,留言:「買狗就買狗啦,扮晒嘢咩朋友隻狗生咗BB問你要唔要。一年都唔知幾多breeder,唔要啲生到殘生到病嘅poodle,可以睇下hkdr,最近先接收咗9隻breed到殘晒嘅poodle俾人好似垃圾咁棄養,你走去買狗,即係支持breeder繼續當狗係生財工具。」、「買狗啊,領養定買㗎,唔使炫耀啦,如果係買嘅我就覺得好乞人憎囉!」、「茶杯狗嘅壽命好短 你唔領養嘅?」、「心機女驚俾人拆穿講大話」。不過,Kayan只選擇性地回覆讚mochi可愛的網民,避談是購買還是朋友所贈,對相關指控視而不見。

據了解,Kayan口中的「朋友」,其實是一個專門售賣poodle的網上商店,其facebook專頁稱是「Licensed breeder from Hong Kong」,幾乎每星期都有新狗推出,每隻都經過悉心打扮,非常討好。店主「奶爸」曾於去年11月貼出與Kayan和mochi的合照,留言:「Thanks for coming. @ kayan.c」。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner