馮素波手術後輕兩磅

更新時間 (HKT): 2021.05.16 02:00
■馮素波早前入院做大腸瘤手術,手術前不忘請麻醉師為她打卡。

76歲的「大公主」馮素波(波姐)早前發現大腸有3cm腺瘤兼有膽石,於是低調入院做手術切除,經過個多月休息,現已康復。《蘋果》昨日致電波姐,她中氣十足回覆:「手術切咗個膽同五分一大腸,都算大手術,但好彩我身體機能都好健康吓,手術三個鐘完成,休息四、五星期就康復,𠵱家藥都唔使食。」波姐入開刀前更請麻醉師為她打卡。

波姐手術後出院,曾租住妹妹家附近的酒店休養,方便妹妹拿湯水、食物給她。她住了酒店一個月,月初已搬回家中。手術後她輕了兩磅:「我仲同醫生講笑話我截腸咁輕。」手術後她只能吃粥水:「因為腸胃要時間適應,飲粥水等佢屙清,大腸有蠕動就轉稀粥稀飯,冇飯食冇力,𠵱家飲食正常返。」波姐強調病前飲食健康,又會每日行約4,000步。

娛聞樂陪你走遍全球追星,即Like「娛果」FB 專頁!
BannerBanner