白只食住血壓藥上舞台 韋羅莎為卸貨被迫隔空演出

更新時間 (HKT): 2021.05.16 14:36

白只、朱栢康、阿卵(楊偉倫)等主演的舞台劇《囍雙飛》前晚正式公演,6號@RubberBand 、黃又南等人均送上果籃打氣,演員於開場前齊集台前感激觀眾買票支持。原本韋羅莎(Rosa)參演其中一角色,但疫情令公演日期延後,更碰上預產期被迫放棄演出,但Rosa堅持拍片「隔空演出」,成為全場笑點。迅速修身的她,當日亦現身首映力撐隊友,她表示:「BB剛剛足一個月,屋企有姨姨照顧佢,加上身體狀態OK,所以我都好放心出嚟。其實只係拍片我都唔夠喉,但係阿女出世冇辦法啦!」

戲中白只與太太對罵一場成為焦點,他笑言該場戲令他血壓急升,演出時不敢太激動:「都有Check住血壓,要準時食藥,我都唔係按醫生指示食,為咗一場好戲冇辦法啦!家人就一定嚟支持我哋,由細睇到我哋大,但係女友(顏卓靈)就要問佢咩時間,因為每次出街都要問吓佢有冇時間,唔可以假設約佢就可以即刻到。」

朱栢康則指場地雖限入場人數,但感覺與滿座分別不大,笑言享受關閉處所的時光,「因為可以畀我哋靜落嚟,慢慢感受點做戲,戲中我同郭翠怡會錫錫同摸胸,但我哋太熟,所以一啲尷尬都冇,加上冇人管我,所以唔會畀人扭耳仔。而家全力忙呢個劇,之後就有機會同秋生合作,所以好期待到時擦出火花。」

阿卵於謝幕時最為感動,「疫情係唔會打得低我,因為本身工作都唔多,好多上年嘅計劃都延到今年,而今年嘅項目又再延期,收入係少咗啲,但又未去到停晒,而家劇場重開,我都算係幸運嘅一個。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner