關心妍入紙明年紅館慶祝入行20周年 疫情下陪奶奶麻雀耍樂

更新時間 (HKT): 2021.05.17 14:55

關心妍、麥雅緻、阮兆輝等今日出席一個關於跨代共融活動。近來剛推出新歌的關心妍,現在打算入紙申請明年於紅館開騷,預計6或7月,就算早一點的檔期也願意,她說:「因為明年係入行20周年,值得慶祝一吓。好耐冇同歌迷有聚會,所以想搞一個大型啲嘅騷見吓面,對上一次紅館騷已經係2012年嘅事。」

女兒楊榮心現已5歲,樣子可愛甚多Fans,但關心妍暫未計劃女兒到時會否上台演出。被提議做一首母女合唱歌,她說:「之前做過兒歌,都可以用嚟參考。佢平時喺台下面有表演欲,而且都有天份,我見佢唱歌音準都ok,音域都幾闊。試過疫情間搞網上音樂會佢有唱,但驚有太多觀眾時佢會驚。睇情況再決定,如果真係唱,事前要跟我學唱歌先得。」

另外,活動上她示範跟長者溝通可打麻雀,她間中會跟母親、奶奶麻雀耍樂,但不算「雀精」,她說:「以前拍拖為咗同奶奶溝通就跟佢學台灣麻雀,但係好難,有時唔知點樣食糊。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner