ERROR自肥企画丨格仔Mike成功心得貴在堅持:聽落好易其實好難 但就睇你堅唔堅持到

更新時間 (HKT): 2021.05.17 23:55

《ERROR自肥企画》今集主題是「BTS」,即Behind The Scene大講節目背後故事,Agent L.在節目播出之前,都在IG表示「今晚嗰集我覺得係最感動」,甚至因為太多回憶,邊剪邊流下男兒淚。

節目一開始,介紹今集宗旨,「由於一集半個鐘,好多精采鏡頭都未喺播映時間播出,所以今集盡量將刪減片段播出」,不過第一節有大部份時間,都留給了之前只有25秒、阿Dee的自肥項目《鹹濕荒島俏博士:學藝篇》。另外又有193第二次中顏射之計的「ERROR遊詐詭」外傳。

無制限OT編集團為節目日日加班,格仔導演Mike今集索性在公司邊瞓邊講,他說好喜歡一班人為節目自製道具,其中出場畫面不下於無制限OT編集團任何一位成員的懲罰工具「死亡行星」,Mike導沒有作詳細介紹,不過就有多位成員親自試過威力。

最有成功感的當然是「地陷之計」的大窿,由設計到完成都是團隊全盤落手,Mike與Rain P.都有親身試伏,無論安全及整蠱需要,都有100分滿分。

成功背後,Mike導分享心得,他說雖然老套,但全憑兩個字「堅持」,他說:「做節目同做任何嘢一樣,講緊堅持。好多時,會遇到好多阻礙,因為規矩、道義、budget,好多好多唔同理由,會阻礙你堅持。呢個節目、呢班人,可以由第一個節目行到嚟依家,可以拍到一啲會有觀眾欣賞嘅節目,都係一路堅持住一啲我哋認為係啱嘅嘢。一直堅持,聽落好易,其實好難,但就睇你堅唔堅持到。」最後以字幕送上「致一直還在堅持的人」。

另外,阿Dee早前挑戰呃10萬like,結果輕鬆達標,他在今集節目之後找數貼出solo版主題曲《無制限OT編集団の行動綱領》,是繼肥仔及保錡之後,第3位ERROR成員找數,現時只剩下193未發起任何挑戰。而格仔導演Mike之前吹雞指,若主題曲在YouTube有150萬點擊將有驚喜,今晚點擊已過136萬,Mike導隨時需要找數。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner