梁芷珊感奧運前夕TVB辦運動會 似搵明星足球隊落場推高入場率:仰慕佢嗰款天真

更新時間 (HKT): 2021.05.18 13:45

去年因疫情影響,原本在東京舉行「2020東京奧運會」延期一年,將於今年7月23日舉行,副總經理曾志偉昨日指TVB為炒熱氣氛,稍後舉行明星運動會,所有藝員都會參與,跟香港市民共同參與一個「嘉年華會」,不少網民感到愕然,事關香港疫情不時反彈,大家仍要戴口罩外出,TVB卻舉行「明星運動會」。

梁芷珊昨晚看到報道,在FB回想當年搞香港足球marketing,亦遇過有人提議搵明星足球隊推高球賽入場率的想法,即是多年來用到盡的明星效應是否仍有效,她寫道:「有啲人,活咗幾十年,傳咗幾代人,都仲好天真, 我哋其實要仰慕佢嗰款天真,例如以為辦TVB運動會可以炒熱奧運氣氛 ,睇到呢段消息嘅時候, 感覺就同多年來搞香港足球marketing時一樣, 不時有人教我做嘢,『想推高球賽入場率呀? 搵明星足球隊嚟踢頭場助興吖嘛。』 嗰陣時我仲好斯文, 從無X出口,只係喺心裡面:我X!」

不少網民也認同梁芷珊看法,指搵明星足球隊已過時,「鍾意睇波嘅人應該係想睇有腳法嘅球星,而唔係想睇阿叻同志偉撞牆」、「搵阿倫阿叻整返場明星足球隊踢波,過晒氣啦」。

網民慨嘆「呢個台已進入向吉位掟壽包模式」,同時推翻「矮人多計仔」這句說話,又指TVB一眾藝人平均年齡過半百,網民亦為藝人感到擔心,紛紛留言「TVB班(明星)仲跑得郁」、「個個年青極有限,叫定白車stand by 」、「啲藝人夜景接日景,又食煙又飲酒,跑幾吓……」、「真心擔心會場加埋真係叫得出萬歲萬歲萬萬歲」、「又係行奬門人嗰套,搵啲女藝人着泳衣玩水上遊戲,行低級趣味」,連風水師傅楊天命也笑言:「創作力量同幻想會嚇你一跳。」網民搞笑地叫師父批呢壇嘢。

另有網民稱為防疫着想,應該打晒疫苗先可以參加,網民也好奇為何藝人可以搞大型群聚,「又戴住透明口罩,又叫大家齊心抗疫,市民就在家,班藝人就違反限聚令,一大班喺運動場跑步運動」。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner