盧雄入行46年分享配音經歷 鼓勵未上位年輕人努力:唔好灰心

更新時間 (HKT): 2021.05.19 14:57

資深配音員盧雄入行46年,曾聲演《西遊記》菩提老祖、聲演《望夫成龍》成奎安凶神惡煞、聲演《整蠱專家》曹查理滑稽幽默,他於八十年代開始授徒,做配音領班及導師桃李滿門,近年主力參加舞台劇演出,由配音到幕前,一直帶給觀眾好多歡樂,昨晚亮相配音節目。

盧雄在台上分享初入行經歷:「做咗40幾年到而家先知道仲有人注意到我哋配音,冇被忽視,記起當初入配音室,我係冇位置,都係講吓對白譬如『先生飲咩』、『OK』就係呢啲,有一次戲中有外國人,導演要佢『講』廣東話,我中學嗰陣,學校有好多外國神父,佢哋講廣東話有外國口音,我百厭學佢哋講。我就係咁上咗位,所以有一段時期,香港港產片啲外國人講廣東話,全部都係我配。」

他更語重心長鼓勵行內人繼續努力:「而家有好多未入行嘅朋友想做配音員,同埋有啲入咗行仲係覺得自己未上位,唔好灰心,亦都唔使擔心自己把聲唔靚, 大家聽到我把聲幾衰,如果唔係,點會配成奎安,係咪?其實把聲靚與唔靚都唔緊要,只要你有心機去做,你肯去做,唔好灰心,一定有一日會成功。」希望配音界薪火相傳。

盧雄自細鍾意做戲,但屋企有錢是大家族,不准他接觸演藝界,家人覺得「做戲地位仲低過乞丐」,不過盧雄仍很仰慕舅父葉夏利可以做戲及播音,盧雄家境本來不俗,但他讀初中時父親不幸病逝,家道中落,盧雄在1975年入行,加入商台擔任播音員,後來轉投佳視當藝員及配音,直至佳視倒閉,盧雄成為全職電影配音員,聲演成奎安、黃炳耀、曹查理、何家駒等。

後來盧雄加入幕前演出,作品包括《九品芝麻官》尚書大人及《回魂夜》盧Sir,繼而當配音領班,近年他減少演戲,因受糖尿病困擾,本來身形圓潤,卻逐漸變得消瘦,閒時就做義工或參演舞台劇。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner