屈穎妍轟《自肥》淫褻低俗 徐俊文反駁:唔通講阿Sir去邪骨冇犯法

更新時間 (HKT): 2021.05.19 18:32

ViuTV節目《ERROR自肥企画》成功以有限資源引爆無限創意,在網上造成大量話題,每日被瘋狂式洗版,今次之所以成功得到網民的支持和共鳴,全憑貴在「堅持」,正如格仔導演Mike曾經表示:「做節目同做任何嘢一樣,講緊堅持。好多時,會遇到好多阻礙,因為規矩、道義、budget,好多好多唔同理由,會阻礙你堅持……一直堅持,聽落好易,其實好難,但就睇你堅唔堅持到。」最後以黑底白字幕送上「致一直還在堅持的人」,成功得到觀眾與網民共鳴。

「梁粉」兼親中專欄作家屈穎妍則大唱反調,今日她在《大公報》撰文批評《自肥》淫褻,「賣低俗,以核突娛樂大眾」批評年輕人都在追捧 ViuTV,因要杯葛無綫:「為了作對,黃絲全部轉看ViuTV,管它的節目是甚麼質素,敵人的敵人就是朋友。」她還提到有一集是拍攝ERROR成員躺在美容中心當眾脫陰毛:「雖然全程畫面打格仔,但所有人的言語動作表情,基本上就是一齣淫褻節目。」對於查小欣日前在報章撰文批評ViuTV做這些節目是沒盡社會責任,屈穎妍亦出力地為她護航:「我覺得很悲哀,香港人已偏聽偏看到這步地,完全容不下一句逆耳忠言。」

禮崩樂壞 欲救無從

其後屈穎妍更形容,有一些尺度如開了就如決堤,「香港不是有《廣播條例》管理電視節目尺度的嗎?這些明眼人都看得出的意識不良,難道通訊局都無權過問?」她又認為,免費電視頻道之所以是免費,就是希望電視台能為社會提供一點教化、一點正能量、一點價值教育。她又指:「如果免費電視頻道都充斥色情低俗節目,香港的禮崩樂壞,已是欲救無從了。」

轟屈以偏概全

事件當然成為另一個話題,不少人為《自肥》出力平反,著名廣告人徐俊文(徐緣)今日在FB撰寫千字文反駁屈穎妍的說法:「真係好想一個『死亡恆星』Ban埋佢度。寫篇評論話人之前,睇多人哋幾集先,唔好以偏概全,係評論人基本中嘅基本。」徐俊文表示今個星期兩集《自肥》,直言:「簡直係正能量爆標之作,係睇到人標眼淚嘅最佳價值教育。」除了因為Mike導的團隊堅持用有限創造無限外,保錡特訓後的一段真情剖白,當中的真誠和熱血的溫度,即使用北極冰川來雪藏都會溶化:「對比隔籬台嘅藝人出事,分分鐘立即割席,呢個唔得下個馬上補上。反之ViuTV團隊,卻團結一致去扶番自己隊友起身,呢啲唔係價值教育?唔通講阿Sir去邪骨冇犯法係呀?」

徐俊文亦表示自己甚少這麼激動,向來落筆都「就住就住」:「呢啲咁嘅人,真係後生鍾意乜佢就X乜,又睇啲唔睇啲,執住一兩幕脫毛彈xx淫褻前猥瑣後鬧鬧鬧。」最後他還說:「我個腦幻想緊,將個『死亡恆星』拉到彌敦道咁長,一嘢車埋佢個烏鴉嘴度。咁會唔會太暴力?應該唔會,一定冇石Sir曾建議嗰種『買水喉通打仔』咁暴力。」堪輿學家楊天命亦有在FB轉發徐俊文的留言並說:「很久很久很久沒有大笑了!多謝花姐和ERROR帶給我們歡樂!導演加油!請繼續創作!你們喜歡那位主持呢?」

193寸查小欣:係佢個人不良

193今日在IG做開live被問到被屈穎妍和查小欣批評一事,他發揮一貫寸嘴本色地說:「邊個屈夫人?哦,姓屈嗰個,同埋查小欣話我意識不良?我唔知,但係一個人如果未睇過一集節目就話人哋意識不良,我覺得係佢個人不良,我哋個節目冇腰斬過,佢做個節目係咪俾人腰斬過?咁點解會俾人腰斬?起碼我哋冇呀!」與此同時,亦有不少網民加入反擊屈穎妍的行列,有人說:「再提提屈女士,11時後已非合家歡時段,N年前黃霑加倪匡蔡瀾電視飲到半醉講女人講性,又不見當年會有人嘈,2021年還不如1981年!」還有人說:「郷下嚟㗎佢?左上角咁大個M字都唔識解!」、「當年超級無敵獎門人有幾多人話禮崩樂壞,屈小姐唔拎返出嚟講?」

根據根據《廣播條例》(香港法例第562章)第3條而發出的《電視通用業務守則 – 節目標準》而制訂,成年觀眾節目(Mature)表明該節目只適合18歲以上成年人觀看,該類節目只能於晚上11時至次日早上6時播放,所以ViuTV安排《ERROR自肥企画》在晚上11時播出,絕對符合通訊局條例,亦並非屈穎妍口中的:「難道通訊局都無權過問?」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner