吳業坤晒193合照遭飛出新劇 傳被TVB雪藏:多謝關心

更新時間 (HKT): 2021.05.19 17:09

新增回應

吳業坤出身自TVB節目《超級巨聲2》,曾兩奪叱咤「我最喜愛的男歌手」獎,反而在自己台卻連番失意,從未攞過「最受歡迎男歌星」獎,去年坤哥更缺席樂壇頒獎禮,到日本工作假期5個月,有傳停工半年令公司不滿,回港後坤哥接拍新劇補鑊,惟卻因一張跟193(郭嘉駿)的合照,疑觸動大台的小器神經,有消息指坤哥被新劇飛起。

最近ViuTV氣勢如虹,不但姜濤做了人氣王,MIRROR又成為香港天團,甚至ERROR都成功上位,節目《ERROR自肥企画》掀全城熱話,而腦筋急轉彎的193,更因寸爆曾志偉兼揶揄TVB受到網民追捧,人氣直逼姜濤;原來坤哥和193一早認識,坤哥返港後在社交網晒合照,又交換兩台吉祥物,193更將TVBuddy打格並加上兩支煙,形容「壞過凱婷」,當時網民已替坤哥擔心:「完咗約啦?咁寸嘅?」而坤哥被問到驚唔驚激嬲公司?他口窒窒說:「我我我都...…未擔心自己前途嘅。」

但話口未完,事實卻擺在眼前,本來坤哥於月初會收劇本,怎知卻遲遲未有通知,新劇於後日舉行記者會,坤哥亦榜上無名,疑真的被飛!對此坤哥回覆傳媒表示:「有其他工作撞咗咋!多謝關心!」坤哥解釋由於要做奧運方面工作,所以無期接拍新劇,強調自己沒有得罪高層,否認被公司「雪藏」。

至於193今日回覆《蘋果》,他表示:「我上個禮拜同坤哥去睇阿田(田蕊妮)舞台劇,我哋都有傾吓偈,以我了解坤哥遲啲會去東京奧運會度做主持,會唔會兩樣嘢係同時間撞咗﹖所以去唔到拍劇呢﹖不過呢方面都係我嘅猜測,詳情都要問返坤哥,但以我理解,坤哥係有嘢做,唔存在雪藏嘅講法。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner