太極樂隊放下悲傷8月紅館開騷 Ricky爆同戴夢夢升呢做家人

更新時間 (HKT): 2021.05.20 15:24

太極《Rainbow After Rain》原定去年12月假在西九文化區開騷,受疫情影響而延期,今日他們現身九龍灣宣佈將會改為於8月7至8日在紅館舉行演唱會。

原本太極6子開騷,但因隊友唐奕聰(Gary Tong)早前突然離世,變為5子,太極的隊友已抹去悲傷,今日重提Gary Tong已經可以談笑風生,他們表示在炎夏日子搞騷,能在室內舉行是Gary Tong的幫助,劉賢德說:「呢個期真係『神期』,呢個期本身唔係我哋預料,加上嗰段時間有Hi-Fi騷,真係雙喜臨門。」8月16日是Gary Tong的生忌,在這日子前開騷,他們笑說:「可能佢喺後面發功,呢個期係佢想嘅,而家夢想成真,佢到時『放假』嚟睇騷。」

黃丹儀頂替彈Keyboard

原本由Gary Tong負責的Keyboard位置,現由黃丹儀頂上,眾人答應對方會收歛少說有味笑話。到時也會請Gary Tong生前曾合作過的朋友來說故事兼合唱,鄧建明(Joey Tang)謂:「佢有好多故事我哋都未必知,到時大家會合唱太極從未唱過嘅歌。」盛旦華則指Gary Tong一直希望做概念大碟,今次終能成願。他們已久未開騷,期望藉今次與歌迷聚會,他們說:「見多一次就一次,都唔知下次幾時開騷,有冇下次都唔知。」

Ricky夢夢抗拒合照

另外,成員朱翰博(Ricky)傳與戴夢夢復合,Ricky沒正面回答是否愛火重燃,只說:「你係咪講上次入馬場?今次個騷佢係其中一個投資方代表,我哋已經變咗家人關係,互相照顧,佢之前搬屋我都有幫佢設計,同埋搬吓嘢,互相關心,係真正嘅朋友。」直言2人合作也不會尷尬,但記者要求2人合照時,他們極之避忌,要在現場的人慫恿下才肯一堆人合照。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner